პრეზიდენტი იმედს გამოთქვამს, რომ მთავრობის შემადგენლობა გაცემული დაპირებების შესრულებას შეძლებს

2016-11-29 15:06:26, 817 ნახვა

პოლიტიკა

საქართველოს პრეზიდენტი გიორგი მარგველაშვილი მთავრობის ახალ შემადგენლობას წარმატებებს უსურვებს.

როგორც დღეს გამართულ პრესკონფერენციაზე პრეზიდენტის პრესსპიკერმა ეკა მიშველაძემ განაცხადა, პრეზიდენტი იმედს გამოთქვამს, რომ მთავრობის შემადგენლობა გაცემული დაპირებების შესრულებას შეძლებს.

„მოგეხსენაბათ, 2016 წლის 26 ნოემბერს, პრეზიდენტმა საქართველოს პრემიერმინისტრად გიორგი კვირიკაშვილი დანიშნა. საქართველოს უკვე ყავს პარლამენტის მიერ დამტკიცებული ახალი მთავრობა. პრეზიდენტი წარმატებას უსურვებს მთავრობის ამ შემადგენლობას და, ამავე დროს, იმედს გამოთქვამს, რომ ეს გუნდი შეძლებს შეასრულოს გაცემული დაპირებები, უპასუხოს ქვეყნის შიდა და გარე გამოწვევებს, უზრუნველყოს დაანონსებული რეფორმების შესრულება იმისათვის, რომ თითოეული მოქალაქის ცხოვრება გახდეს ბევრად უკეთესი“, - განაცხადა ეკა მიშველაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან