საქართველოს ეკონომიკისა და მდგრადი განვითარების სამინისტროს მხარდაჭერით GIZ-ის  „მცირე და საშუალო მეწარმეობის განვითარება და DCFTA საქართველოში“ პროექტსა და საქართველოს სავაჭრო-სამრეწველო პალატას შორისურთიერთგაგების მემორანდუმი გაფორმდა.ხელმოწერის ცერემინიას  ეკონომიკისა და მდგრადი განვითარების მინისტრის მოადგილე გენადი არველაძე დაესწრო.

 „ევროკავშირთან ღრმა  და  ყოვლისმომცველი ვაჭრობის შეთანხმება,  ასოცირების  შეთანხმების ფარგლებში ბოლოს დროის ყველაზე დიდი მიღწევაა.  შესაბამისად,  ჩვენ ვალდებულები  ვართ დავიცვათ ამ შეთანმებით გათვალისწინებული  რეგულაციები. დღეს  გაფორმებული  ურთიერთგაგების მემორანდუმი  რეგიონებში  ხელს შეუწყობს მოსახლეობის ცნობადობის ამაღლებას  ევროკავშირის  შესახებ, ადგილობრივ მეწარმეებს  კი  შესაძლებლობა ექნებათ მიიღონ  სრულყოფილი  და  ამომწურავი ინფორმაცია ევროკავშირის წევრი ქვეყნების ბაზარზე  შესვლასთან დაკავშირებით“-განაცხადა  ეკონომიკისა და მდგრადი განვითარების მინისტრის მოადგილემ გენადი არველაძემ.

მემორანდუმის ფარგლებში განსაზღვრულია თანამშრომლობა ღრმა და ყოვლისმომცველი თავისუფალი სავაჭრო სივრცის ხელშეკრულების (DCFTA) განხორციელებასთან დაკავშირებული საკონსულტაციო და სასწავლო სერვისების განვითარების კუთხით სავაჭრო-სამრეწველო პალატის ინსტიტუციური შესაძლებლობების გასაძლიერებლად.

პროექტის  ფარგლებში მთელი საქართველოს მასშტაბით  DCFTA-ის 5 საინფორმაციო ცენტრი გაიხსნება  - თბილისში, ქუთაისში, სიღნაღში, გორსა და ზუგდიდში. აღნიშნული ცენტრების მეშვეობით მოხდება მოქალაქეებისა  და  კერძო  სექტორის წარმომადგენლებისთვის DCFTA-სთან დაკავშირებული ინფორმაციის მიწოდება და გავრცელება, ცნობიერების ამაღლება და მათი მოსაზრებების შეგროვება.კერძო სექტორის საჭიროებებიდან გამომდინარე მოხდება კონკრეტული ტრენინგ-პროგრამების შემუშავება.

პროექტი „მცირე და საშუალო მეწარმეობის განვითარება და DCFTA საქართველოში“ ევროკავშირის თანადაფინანსებით მიმდინარეობს და მას ახორციელებს GIZ-ის პროგრამა „კერძო სექტორის განვითარება სამხრეთ კავკასიაში“ გერმანიის ეკონომიკური თანამშრომლობისა და განვითარების ფედერალური სამინისტროს (BMZ) სახელით.

პროექტი მიმდინარეობს ევროკავშირის ინიციატივის EU4Business (მცირე და საშუალო მეწარმეობისა და კერძო სექტორის ხელშეწყობა) ფარგლებში. აღნიშნული ინიციატივა აერთიანებს ევროკავშირის დაფინანსებით მიმდინარე პროექტებს „აღმოსავლეთ პარტნიორობის“ ექვს ქვეყანაში, მათ შორის საქართველოში. EU4Business-ის მიზანია ბიზნეს გარემოს გაუმჯობესების, ბიზნესსექტორში ცოდნისა და უნარების განვითარებისა და ფინანსებთან ხელმისაწვდომობის ხელშეწყობის გზით  მცირე და საშუალო მეწარმეებს დაეხმაროსისარგებლონ საქართველოსა და ევროკავშირს შორის თავისუფალი ვაჭრობის შეთანხმებით. 

მეორანდუმს ხელი  სავაჭრო-სამრეწველო პალატის პრეზიდენტმა ნინო  ჩიქოვანმა  და SME DSFTA GE-პროექტის ხელმძღვანელმა  ფილიპ შტენმეინმა მოაწერეს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გენერალური პროკურორი: ექიმ ჩახუნაშვილს არჩევანი აქვს: აღიაროს დანაშაული და მოინანიოს

35 წლის ნინო მუჯირი პირველ სამშობიარო სახლში გარდაიცვალა, ოჯახი პერსონალის დასჯას ითხოვს

პესკოვი: ჯერ კიდევ გაურკვეველია, თუ რას უხელმძღვანელებს ცხინვალის „ყოფილი ლიდერი“

მარიამ მეყანწიშვილი - არცერთმა არ აღაირა ის, რაც არ ჩაუდენიათ, თქვენთვის ვიბრძოლებ გარედან