თქვენ მაინც, არ გამეცით პასუხი, ამ ბრწყინვალე მე-4 წელზე. მე ვერ გავიგე, ეს იყო არაკომპეტენტურობა თუ ეთანხმებით ივანიშვილს, თუ რაშია საქმე? იქნებ მითხრათ - ასე მიმართა "ნაციონალური მოძრაობის" დეპუტატმა გიგა ბოკერიამ, პრემიერ მინისტრის მოვალეობის შემსრულებელს გიორგი კვირიკაშვილს.

აღნიშნულს კვირიკაშვილი გამოეხმაურა და განაცხადა, რომ:

"რაც შეეხება მე-4 წელს, რა თქმა უნდა ბიძინა ივანიშვილი ვერ გათვლიდა, და მე არ ვიცი ადამიანი ვინც გათვლიდა იმას, რომ რუსეთი დაიპყრობდა ყირიმს და შემდეგ უკვე დონეცკის მიმართულებით მიიტანდა შეტევას. ამ რეგიონების მასშტაბებს გაცდენილ კომფლიქტს, რომელმაც ძალიან მძიმე შედეგები გამოიწვია, მთელი რეგიონის ეკონომიკა ჩააგდო რტულ ვითარებაში. არ მგონია, რომ სასაყვედურო იყოს, თუ რატომ ვერ გათვალა ივანიშვილმა ეს კომპლიქტი", - უპასუხა კვირიკაშვილმა.

ამასთან, გიგა ბოკერია დაინტერესდა, თუ რატომ არ ჩადის ქვეყნის პრემიერ-მინისტრი უკრაინაში ოფიციალური ვიზიტით, რაზეც გიორგი კვირიკაშვილმა აღნიშნა, რომ ეს არასწორი ინფორმაციაა და ის უკრაინაში ვიცე-პრემიერის რანგში იყო. 

ამას მოჰყვა ბოკერიას კომენტარი, რომ ის პრემიერ-მინისტრს გულისხმობს და არა ვიცე-პრემიერს. ბოკერიას თქმით, 4 წელია რაც საქართველოს პრემიერ-მინისტრი და საგარეო საქმეთა მინისტრი სტრატეგიულ პარტნიორ ქვეყანაში ოფიციალური ვიზიტით არ ყოფილან.

"ძალიან ბევრი ქვეყანაა სადაც ოფიციალური ვიზიტით არ ვყოფილვარ. ვიყავი ვიცე-პრემიერობის დროს, ბ-ნ კახი კალაძესთან", - უპასუხა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ALDE-მ საქართველოს შესახებ რეზოლუცია მიიღო

ავსტრიის საგარეო მინისტრი - ეს არ არის ბაზარი, სადაც თქვენს მთავრობას შეეძლო ევაჭრა, დაეწყო ჩვენთან მოლაპარაკება და ჩვენ შეგვესუსტებინა ჩვენი პოზიცია ფუნდამენტურ ღირებულებებზე - ეს, არასდროს მოხდება

ზელენსკი კონსტანტინოვკის აღებაზე - სიმართლე ძალიან განსხვავდება პუტინის სიტყვებისგან

უკრაინამ რუსეთის ბალტიის ფლოტს დაარტყა