თალაკვაძე ენმ-ს: თქვენ ხართ ხალხი, რომელმაც სახალხო დამცველი სცემეთ

2016-11-18 19:39:57, 840 ნახვა

პოლიტიკა

"პირად ცხოვრებაზე რომ გვესაუბრებით, ფილმები გაქვთ გადაღებული და დღემდე ვერ დასრულდა ამ ფირების განადგურება, ხან სად ვპოულობთ და ხან სად პოულობენ მოქალაქეები.... მაშინ ძალიან იმედის მომცემი გარემო იყო შექმნილი თუ როგორ არის საქმე?!", - ასე მიმართა "ნაციონალური მოძრაობის" დეპუტატებს პარლამენტის საპარლამენტო უმრალესობის ლიდერმა არჩილ თალაკვაძემ პარლამენტში სიტყვით გამოსვლისას.

თალაკვაძის თქმით, მმართველმა გუნდა ქვეყანა ტერორისა და რეპრესიების გარეშე მართა.

„ჩვენ ძალაუფლება დავუბრუნეთ ხალხს, ქვეყანა ვმართეთ შიშის, ტერორის და რეპრესიების გარეშე, ჯანდაცვის სისტემა და ბიუჯეტი შემოვატრიალეთ მოსახლეობისკენ და ადამიანისკენ. შეგახსენებთ გამომსვლელ ბატონებს, რომ მოსახლეობის ნახევარზე მეტი, თქვენი მართველობის დროს, დატოვებული იყო ყოველგვარი სამედიცინო დხმარების გარეშე, საკუთარი შიდა მეურნეობის და მწირი შემოსავლების ამარა , ეს მათ გასაგონად, ვინც გაღარიბებაზე გვესაუბრება. როდესაც ქალაქის მერიაში შპს გქონდათ შექმნილი, სადაც ტექნიკური მუშაკების აღწერილობის ქვეშ ასეულობით აქტივისტს ასაქმებდით, მე მგონი ნეპოტიზმზე საუბარი ცოტა უსამართლოა. კორუფციაზე არ უნდა გვესაუბრებოდეთ ადამიანები, რომლებიც იმ ხელისუფლებას აფარებდით ხელს, სადაც მანქანას ყიდულობდნენ ბიზნესმენები თქვენი მაღალჩინოსნებისთვის და დღეს, პროკურატურას უხდება ამ დაძველებული მანქანების უკან დაბრუნება. ვფიქრობ, სამართლიანი იქნება განსხვავებები თქვენ რომ აანაზღაუროთ. თქვენ ხართ ხალხი, რომელმაც სცემეთ საქართველოს ომბუდსმენი და მერე დააყოლეთ, რომ ეს იყო დასასჯელად, თქვენ ხართ ხალხი, რომელიც აყალბებდით არჩევნებს. რაც თქვენ დროს ხდეობდა იმედის მომცემი იყო თქვენთვის?! მაინტერესებს საკუთრების ჩამორთმევა, "ტვიმედზე“ რეიდების ჩატარება, ჟურნალისტების დაპატიმრება, სიკვდილიანობის კატასტროფული მაჩვენებელი სასჯელაღსრულების სისტემაში", - განაცხადა არჩილ თალაკვაძემ.