საქართველოს თავდაცვის მინისტრმა მინდია ჯანელიძემ  საქართველოში აშშ-ის ელჩს რიჩარდ ნორლანდს უმასპინძლა. შეხვედრას თავდაცვის მინისტრის მოადგილეები - გოჩა რატიანი, ლევან ღირსიაშვილი და აშშ-ის სამხედრო ატაშე, პოლკოვნიკი მეთიუ დიმიკი დაესწრნენ.

შეხვედრაზე საუბარი აშშ-საქართველოს შორის ორმხრივი თანამშრომლობის საკითხებს შეეხო. ყურადღება გამახვილდა სამხედრო-პოლიტიკურ სფეროში ურთიერთობაზე. მხარეებმა თავდაცვის სფეროში აშშ-საქართველოს ორმხრივი თანამშრომლობის მიმდინარე საკითხები და სამომავლო პერსპექტივები განიხილეს.

მათ უელსის სამიტზე მიღებული ნატო-საქართველოს არსებითი პაკეტის განხორციელების საკითხებზე და აღნიშნულ პროცესში აშშ-ის ჩართულობაზე იმსჯელეს. საქართველოს თავდაცვის უწყების პრიორიტეტების განხილვისას აშშ-ს ელჩმა ქართულ მხარეს მხარდაჭერა აღუთქვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერთმორწმუნე რუსეთმა ქრისტიანობის უძველესი სიმბოლო პეჩერის ლავრა დაბომბა

ზელენსკიმ ტრამპთან საუბრის დეტალები გაამხილა

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე