საქართველოს იუსტიციის სამინისტროს სსიპ „დანაშაულის პრევენციის ცენტრის“ არასრულწლოვანი ბენეფიციარები, თბილისის ვანო სარაჯიშვილის სახელობის სახელმწიფო კონსერვატორიის დიდ დარბაზში, საჯარო ლექცია-კონცერტს - „რენესანსი და ბაროკოს ეპოქები“ დაესწრნენ.

ღონისძიება პროექტ - „ბავშვებისთვის და არა მხოლოდ მათთვის“ ფარგლებში გაიმართა, რომლის წამყვანი და დირიჟორი მირიან ხუხუნაიშვილი იყო.

სსიპ „დანაშაულის პრევენციის ცენტრი“ აქტიურად თანამშრომლობს კულტურისა და ძეგლთა დაცვის სამინისტროს სსიპ „კლასიკური მუსიკის დაცვის, განვითარებისა და პოპულარიზაციის ცენტრთან“, რომელთანაც იუსტიციის სამინისტრომ თანამშრომლობის მემორანდუმი 2015 წელს გააფორმა. მემორანდუმის ფარგლებში არასრულწლოვანი ბენეფიციარები  პერიოდულად ესწრებიან მუსიკალურ ლექცია-კონცერტებს, სიმფონიური ორკესტრის რეპეტიციებს; ისმენენ  მუსიკის ისტორიას; აკვირდებიან შემოქმედებით პროცესს. მოზარდები წარმატებულ მუსიკოსებსაც ეცნობიან და უშუალოდ მათგან იგებენ, როგორია გზა წარმატებისაკენ, რა სირთულეების გადალახვა უწევდათ პოპულარულ ადამიანებს ახალგაზრდულ ასაკში. თანამშრომლობის ფარგლებში, ძირითადი ყურადღება არასრულწლოვან გოგონებსა და ქუჩაში მცხოვრებ და/ან  მომუშავე ბავშვებს ეთმობათ. 

იუსტიციის სამინისტროს სსიპ „დანაშაულის პრევენციის ცენტრი“ არასრულწლოვნებში დანაშაულის პრევენციაზე მუშაობს. ამ მიზნით, 2014 წლიდან,  მედიაციის სახლი მუშაობს, რომელიც ახალგაზრდებს თავისუფალი დროის ნაყოფიერად და საინტერესოდ გატარების შესაძლებლობას აძლევს.

(R)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს