2016-10-28 14:12:07, 1047 ნახვა
საზოგადოება
400-მდე მოქალაქის საქართველოს საზღვარზე გადმოყვანა უკვე მოხერხდა
აჭარის მთავრობის თავმჯდომარე ზურაბ პატარაძე დილიდან სარფის საბაჟო გამშვებ პუნქტზე იმყოფებოდა. რეგიონის ხელმძღვანელი ვითარებას ადგილზე გაეცნო.
მთავრობის თავმჯდომარის ინფორმაციით, თურქეთის მხარეს არსებული ტექნიკური შეფერხების გამო თურქეთის ყველა საზღვარზე გადაადგილებასთან დაკავშირებით შეფერხებებია. აჭარის მთავრობა თურქულ მხარესთან თანამშრომლობით მთელი ღამის განმავლობაში ცდილობდა თურქეთის ტერიტორიაზე მყოფი მოქალაქეების პირადობის მოწმობების იდენტიფიცირებას. 400-მდე მოქალაქის საზღვარზე გადმოყვანა უკვე მოხერხდა.
2 დღის განმავლობაში შეფერხებულია თურქეთ-საქართველოს საზღვრის გადაკვეთა. რის გამოც საქართველოსა და თურქეთის მოქალაქეებს შეექმნათ პრობლემები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
