ბობოხიძე: სანდრა რულოვსის მიერ კანდიდატურის მოხსნა მოულოდნელი არ ყოფილა

2016-10-24 14:30:31, 741 ნახვა

პოლიტიკა

„ნაციონალური მოძრაობის“ ერთ-ერთი ლიდერის აკაკი ბობოხიძის განცხადებით, სანდრა რულოვსის მიერ კანდიდატურის მოხსნა პარტიაში მოულოდნელი არ ყოფილა.

როგორც ბობოხიძემ აღნიშნა, მას იმედი აქვს, რომ პარტია დღევანდელი რეჟიმის წინააღმდეგ ერთიან მთლიან ფრონტს შეინარჩუნებს.

“ეს არ არის სასიამოვნო გადაწყვეტილება, მაგრამ მოულოდნელი არ ყოფილა. “ნაციონალურ მოძრაობაში“ ყოველთვის იყო აზრთა სხვადასხვაობა. იმედი მაქვს, რომ შევინარჩუნებთ ერთიან მთლიან ფრონტს დღევანდელი რეჟიმის წინააღმდეგ. პარტიაში ყოველთვის იყო აზრთა სხვადასხვაობა, მაშინაც, როდესაც მიშა სააკაშვილი საქართველოს პრეზიდენტი იყო. პარტიაში განსხვავებული აზრი არ იდევნებოდა, თუმცა ეს არ იყო ღია და საჯარო. დღეს უფრო ღია გახდა შიდაპარტიული დისკუსიები. მივესალმები, რომ მომავალში ნელ-ნელა “ნაციონალურმა მოძრაობამ“ შიდაპარტიული დისკუსიები საჯარო გახადოს”, - განაცხადა აკაკი ბობოხიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან