ცესკო-ს ინფორმაციით, 15:00 საათის მდგომარეობით ამომრჩეველთა აქტივობამ 34,79% შეადგინა

2016-10-08 14:56:01, 741 ნახვა

პოლიტიკა

ცენტრალურ საარჩევნო კომისიაში გამართულ მორიგ ბრიფინგზე ცესკოს სპიკერმა ანა მიქელაძემ მედიას 15:00 საათის მდგომარეობით ამომრჩეველთა აქტივობა წარუდგინა. მოცემული დროისთვის საარჩევნო უბნებზე აქტივობამ 34,79% (1222634) შეადგინა. როგორც ანა მიქელაძემ აღნიშნა, კენჭისყრის პროცესი საარჩევნო უბნებზე მშვიდ ვითარებაში მიმდინარეობს.

ცესკო მოქალაქეებს აქტიურობისკენ მოუწოდებს.

საარჩევნო ადმინისტრაცია ასევე მოქალაქეებს შეახსენებს, რომ საარჩევნო კანონმდებლობის მიხედვით, დღეს კენჭისყრის შენობაში აგიტაცია იკრძალება. ასევე აკრძალულია წინასაარჩევნო ფასიანი და უფასო რეკლამის განთავსება ტელევიზიასა და რადიოში. ამას გარდა, დღეს საღამოს 8:00 საათამდე იკრძალება არჩევნებთან დაკავშირებული საზოგადოებრივი აზრის გამოკითხვის შედეგების გამოქვეყნება.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან