დუშეთისა და ლაგოდეხის მაჟორიტარული საარჩევნო სისტემის ბიულეტენები ერთმანეთს შეერია

2016-10-08 13:40:40, 701 ნახვა

პოლიტიკა

დუშეთისა და ლაგოდეხის მაჟორიტარული საარჩევნო სისტემის ბიულეტენები, სავარაუდოდ, სტამბაში ბლოკნოტებად აკინძვის დროს, ერთმანეთს შეერია.ამის შესახებ ცესკო-ს სპიკერმა ანი მიქელაძემ განაცხადა.

მისივე თქმით, ასეთი ორი ბლოკნოტია. ცესკოს სპიკერის განმარტებით, ბიულეტენები, რომლებიც დუშეთის ოლქისთვის იყო განკუთვნილი, ლაგოდეხში გამოიყენეს, ამიტომ, კომისია აღნიშნულ საკითხზე იმსჯელებს და ისინი კანონის თანახმად გაბათილდება.

„სავარაუდოდ, ადგილი ჰქონდა გარკვეულ სტამბულ სშეცდომას. როდესაც სტამბაში მოხდა ბიულეტენების ბლოკნოტებად აკინძვა, ერთმანეთს შეერია დუშეთისა და ლაგოდეხის მაჟორიტარული საარჩევნო სისტემის ბიულეტენები. სულ ორი ბლოკნოტია ასეთი. აღნიშნული ხარვეზი ამ ეტაპზე გამოსწორებულია, თუმცა ის ბიულეტენები, რომლებიც დუშეთის ოლქისთვის იყო განკუთვნილი, გამოყენებული იქნა ლაგოდეხში, კომისია იმსჯელებს აღნიშნულ საკითხზე და კანონის თანახმად გაბათილდება“,-განაცხადა ანი მიქელაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან