თბილისის საქალაქო სასამართლოს ყოფილი თავმჯდომარის მამუკა ახვლედიანის განცხადებით,  არ იცოდა, თუ მისი საუბრის ფარული ჩანაწერი „რუსთავი2“-ის გენერალურმა დირექტორმა ნიკა გვარამიამ გააკეთა.

როგორც ახვლედიანმა ტელეკომპანია „პირველის“ ეთერში განაცხადა, ჩანაწერში განსაკუთრებული არაფერი უთქვამს, რასაც საჯაროდ არ ამბობს,  თუმცა, ფირქობს, რომ  ნიკა გვარამიას ფარულად ჩაწერის გამო,  მისთვის ბოდიში მაინც უნდა მოეხადა:

„ნამდვილად არვიცოდი ამის თაობაზე, იმასაც ვერ ვიხსენებ, რა ვითარებაში მოხდა ჩაწერა. არის თუ არა სრულად ტექსტი არვიცი. ჩანაწერში მე ვსაუბრობ იმ პრობლემატიკაზე, რომელზეც ბოლო 2 წელიწადია ვლაპარაკობ არა მარტო ტელეკომპანიებთან, სახელისუფლებო წარმომადგენლებთან და ყველასთან, ვისაც ინტერესი გააჩნია სასამართლოს მიმართ.  გამიკვირდა, ნიკა გვარამიას შეეძლო ბოდიში მაინც მოეხადა,  როცა ფარულად ჩაწერას ახორციელებს ვინმეს მიმართ. სამწუხაროა, როცა ასე ხდება. რამოდენიმეჯერ იყო სხვადასხვა ვითარებაში შეხვედრა, ზოგი ღონისძიებაზე, ზოგი სხვადასხვა სიტუაციაში და ვინ, როდის რა ჩაიწერა, არვიცი“,-განაცხადა მამუკა ახვლედიანმა.

მისივე თქმით, ძალიან უკვირს  პოლირტიკოსების განცხადებები, რომლებიც ამბობენ, რომ ვიღაცას ანგარიში ჩააბარა:

„არავისთვის ანგარიში არ ჩამიბარებია. საინტერესოა, ვის ინტერესში შედის მსგავსი საუბრების ატვირთვა“,-აღნიშნა მამუკა ახვლედიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს