შინაგან საქმეთა მინისტრმა, გიორგი მღებრიშვილმა გარდაბანში დაცვის პოლიციის ახალი ადმინისტრაციული შენობა გახსნა, რომელშიც 250-მდე თანამშრომელი იმუშავებს.

ღონისძიებას შს მინისტრის მოადგილე, დავით ვარდიაშვილი და დაცვის პოლიციის დეპარტამენტის თავმჯდომარე, გურამ ტომარაძე ესწრებოდნენ.

შსს-ს დაცვის პოლიციის დეპარტამენტის ქვემო ქართლის სამმართველოს გარდაბნის განყოფილების ერთსართულიან, თანამედროვე სტანდარტების შესაბამის, უახლესი ტექნიკითა და ინვენტარით აღჭურვილ შენობაში ოპერატიული რეაგირების და რკინიგზის ობიექტების დაცვის ჯგუფები განთავსდებიან. გარდაბნის რაიონში დაცვის პოლიცია 70-მდე ობიექტის დაცვას უზრუნველყოფს.

შინაგან საქმეთა სამინისტრო, პოლიციელთათვის სამუშაო გარემოს გაუმჯობესების მიზნით, ახალი შენობების მშენებლობა-რეაბილიტაციასა და სხვა ინფრასტრუქტურული პროექტების განხორციელებას აქტიურად განაგრძობს.

2016-2017 წლებში დაცვის პოლიციის ახალი შენობების აშენება იგეგმება თერჯოლაში, ჭიათურასა და თბილისში, ხოლო გურჯაანში, მესტიასა და ხაშურში ძველი შენობების რეაბილიტაცია მოხდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა