გაერო-ს წარმომადგენლები სირიის კონფლიქტის ორივე მხარეს - ხელისუფლებას და ამბოხებულებს მოსახლეობისთვის ჰუმანიტარული დახმარების მიწოდების შეფერხებაში ადანაშაულებენ, - ამის შესახებ ინფორმაციას Reuters-ი ავრცელებს.

როგორც გაერო-ს სპეციალურმა წარმომადგენელმა სირიის საკითხებში სტეფან დე მისტურამ განაცხადა, აშშ-ს და რუსეთს ალეპოში კასტელოს გზიდან შეიარაღებული ძალების გაყვანა უნდა გაეკონტროლებინა.

დე მისტურამ ასევე დამასკო გააკრიტიკა, რომელმაც ჰუმანიტარული დახმარების ჩატანის ნებართვა არ გასცა.

გაერო-ს ჰუმანიტარული პროგრამის კოორდინატორის იან ეგელანდის თქმით, ამბოხებულები და სირიის მთავრობა პასუხისმგებლები არიან ალეპოში დახმარების ჩატანის შეყოვნებაზე.

მედია საშუალების ინფორმაციით, რუსეთის შეიარაღებული ძალების წარმომადგენლებმა განაცხადეს, რომ ამბოხებულებს ჯერ არ დაუწყიათ კასტელოს გზიდან ძალების გაყვანა. ამასთან, მოსკოვის მტკიცებით, სირიის მთავრობამ ჯარის გაყვანა უკვე დაიწყო. კასტელოს გზა ალეპოს დასავლეთ და აღმოსავლეთ ნაწილებს აკავშირებს. ჰუმანიტარულმა ავტოკოლონებმა სწორედ ამ გზაზე უნდა გაიარონ.

Reuters-ის ცნობით კი, ამბოხბეულები ამტკიცებენ, რომ სირიის არმია ამ დრომდე ინარჩუნებს პოზიციებს.

შეგახსენებთ, რომ სირიაში ცეცხლის შეწყვეტის შეთანხმება 12 სექტემბრის საღამოს შევიდა ძალაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის სამიტზე უკრაინის პრეზიდენტი ტრამპსა და რუბიოს შეხვდა

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება