საპარლამენტო უმრავლესობის წევრის მანანა კობახიძის განცხადებით, მცხეთის საკრებულოს „ქართული ოცნების“ წევრების მიერ მიღებული გადაწყვეტილება პარტიის წინააღმდეგ წასვლაა და ამას შესაბამისი რეაგირება უნდა მოჰყვეს.

„„ქართული ოცნება-დემოკრატიული საქართველო“ მცხეთაში მაჟორიტარ კანდიდატად დიმიტრი ხუნდაძეს აყენებს და მხარს სწორედ მას ვუჭერთ. თუ პარტიის წევრი საკრებულოშია და ის პარტიულ გადაწყევტილებას ემიჯნება, ეს პარტიის წინააღმდეგ წასვლაა, რასაც პოლიტსაბჭოსგან შესაბამისი რეაგირება უნდა მოყვეს. ასეთი გადაწყვეტილების მიღების დროს უნდა დატოვო პარტია. გაუგონარია, რომ თან სახელისუფლებო გუნდში იყო და თან გუნდის გადაწყვეტილების წინააღმდეგ მიდიოდე. მათ ეს უნდა ესმოდეთ. ამაზე რეაგირება იქნება“, - განუცხადა „ექსპრესნიუსს“ კობახიძემ.

შეგახსენებთ, რომ სხვადასხვა პარტიის, მათ შორის „ქართული ოცნების“ წარმომადგენლებმა მცხეთაში საგანგებო ერთობლივი ბრიფინგი გამართეს.

ბრიფინგზე ქალაქის საკრებულოს წევრებმა განაცხადეს, რომ ისინი „ქართული ოცნების“ მაჟორიტარობის კანდიდატს, დიმიტრი ხუნდაძეს ემიჯნებიან, თუმცა განმარტავენ, რომ მხოლოდ პიროვნულად მას და არა „ქართულ ოცნებას“.

როგორც საკრებულოს წევრებმა აღნიშნეს, მათ გადაწყვიტეს ცეზარ ჩოჩელს დაუჭირონ მხარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს