პარტია „მრეწველობა გადააარჩენს საქართველოს“ ერთ-ერთი ლიდერის ზურაბ ტყემალაძის განცხადებით, 4 წლის განმავლობაში ხელისუფლებამ ძალიან ბევრ სფეროში მიაღწია წარმატებას.

ტყემალაძემ „ექსპრესნიუსთან“ ინტერვიუში კონკრეტული მაგალითები მოიყვანა:

„4-წლიანი მმართველობის განმავლობაში ხელისუფლებას დიდი შეცდომა არ დაუშვია. რაც შეეხება დიდ მიღწევებს - ასეთი ძალიან ბევრი იყო. თუნდაც, როდესაც სამართლიანობის აღდგენაზე ვსაუბრობთ, დღეს აღარ ხდება ისეთი უსამართლობა, რასაც წინა ხელისუფლების დროს ქონდა ადგილი. ეს უკვე ნიშნავს, რომ გარკვეულწილად, სამართლიანობა აღდგა. გარდა ამისა, ძალიან დიდ წარმატებას მივაღწიეთ ჯანდაცვის სფეროში. ადამიანს არ ქონდა საშუალება ემკურნალა. დღეს კი, მეტ-ნაკლებად ყველას აქვს საშუალება საყოველთაო ჯანდაცვის პროგრამით ისარგებლოს. ბევრი რამ გაკეთდა პრესისა და გამოხატვის თავისუფლების ხარისხის ასამაღლებლად. მინდა შეგახსენოთ, რომ 2012 წელს ოთხ ტელეარხს შეეძლო ქვეყნის მასშტაბით მაუწყებლობა - „იმედს“, „რუსთავი 2“-ს, „საზოგადოებრივ მაუწყებელსა“ და გარკვეულწილად, „მაესტროს“. დღეს 40-ზე მეტი სატელევიზიო არხია, რომელიც მთელი ქვეყნის მასშტაბით მაუწყებლობს. ჩვენი მმართველობის დროს სასამართლო ხელისუფლების დამოუკიდებლობის დონე მკვეთრად გაიზარდა. გახსოვთ, ალბათ, წინა ხელისუფლების დროს, პროკურორის მოთხოვნა 99%-ით კმაყოფილდებოდა“, - განაცხადა ზურაბ ტყემალაძემ.

ინტერვიუ ზურაბ ტყემალაძესთან

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს