ხშირად მეც ვყოფილვარ აგრესიული რიტორიკის ობიექტი, - ამის შესახებ პრეზიდენტმა გიორგი მარგველაშვილმა ზუგდიდში განუცხადა. 

სტუდენტის თქმით, არ იცის პოლიტიკური პარტიების პროგრამები და შეთავაზება, ვინაიდან ტელევიზორიდან მხოლოდ დაპირისპირება და აგრესიული რიტორიკა ესმის.  

“ამაზე პასუხი მარტივია. არ უნდა გაატაროთ ეს თქვენში. იგნორირება უნდა მოახდინოთ. პოზიტიური მხარე ბევრია, რომელიც მჭახე აგრესიულ რიტორიკაში აღარ ისმის. თქვენ რასაც მიაქცევთ ყურადღებას, ის იქნება მნიშვნელოვანი. ბოღმას, ერთმანეთის ლანძღვას თუ მიაქცევთ ყურადღებას, ის იარსებებს. თუ არ მიაქცევთ ყურადღებას, აღარ იარსებებს და ნელ-ნელა განელდება. პოლიტიკოსებიც ნელ-ნელა იმას გააკეთებენ, რაც საზოგადოებას მოსწონს. ჩვენ ვხედავთ, რომ ეს პოზიტიური ტენდენცია მხარდაჭერილია საზოგადოების მიერ“,-განაცხადა მარგველაშვილმა და აღნიშნა, რომ აგრესია და დაპირისპირება არათავისუფალი აზროვნების შედეგია.  

პრეზიდენტმა მაგალითებიც მოიყვანა, რომელიც განსხვავებული აზრის მიმართ პატივისცემას გამოხატავს და აღნიშნა, რომ განსხვავებული აზრის მიღება ქართული იდენტობის, ქართული კულტურის ნაწილია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს