საქართველოს პრემიერ–მინისტრი გიორგი კვირიკაშვილი ევროპარლამენტის „სოციალისტებისა და დემოკრატების პროგრესული ალიანსის" ჯგუფის ვიცე-პრეზიდენტს საერთაშორისო ურთიერთობების საკითხებში, კნუტ ფლეკენშტეინს შეხვდა. მხარეებმა  განიხილეს ბოლო პერიოდში გააქტიურებული საქართველო–გერმანიის  ურთიერთობების ძირითადი საკითხები.

გიორგი კვირიკაშვილმა გერმანელ პოლიტიკოსს  გააცნო საქართველოს სწრაფი განვითარების 4–პუნქტიანი გეგმა. საუბარი შეეხო ბოლო წლებში განხორციელებულ დემოკრატიულ რეფორმებს, რომლებიც განსაზღვრულია ასოცირების შეთანხმებით და დაკავშირებულია ქვეყნის ევროპულ და ევროატლანტიკურ არჩევანთან.

კნუტ ფლეკენშტეინმა გამოხატა სრული მხარდაჭერა საქართველოს ევროინტეგრაციისა  და სავიზო ლიბერალიზაციის პროცესებისადმი. მისი განცხადებით, საქართველოს მთავრობამ სრულად და ზედმიწევნით შეასრულა სამოქმედო გეგმით განსაზღვრული ყველა ამოცანა და საქართველოს მოსახლეობა იმსახურებს უვიზო მიმოსვლის დროულად ამოქმედებას.

მხარეებმა ისაუბრეს მოახლოებულ საპარლამენტო არჩევნებზე და ხაზი გაუსვეს დემოკრატიული, თავისუფალი და კონკურენტული საარჩევნო გარემოს მნიშვნელობას.

საქართველოს პრემიერ–მინისტრმა მადლობა გადაუხადა ევროპარლამენტის „სოციალისტებისა და დემოკრატების პროგრესული ალიანსის" ჯგუფის ვიცე-პრეზიდენტს საქართველოს მხარდაჭერისთვის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს