"ბედუკაძე მოვიდა და მადლობა გადამიხადა იმისთვის, რომ თავის დროზე, „ცენტრისტების“ საარჩევნო რეგისტრაციიდან მოხნა არასწორად მიმაჩნდა", - ამის შესახებ დეპუტატმა თამაზ მეჭიაურმა „ექსპრესნიუსს“ ვლადიმერ ბედუკაძესთან შეხვედრასთან დაკავშირებით განუცხადა.

როგორც მეჭიაურმა აღნიშნა,  წინასაარჩევნოდ ბედუკაძესთან თანამშრომლობას არ აპირებს.

„ლადო ბედუკაძესთან ჩემი შეხვედრა არაფერს არ ემსახურებოდა. კაცს გამარჯობა ვეღარ უნდა ვუთხრა?!  ბედუკაძე მოვიდა და მადლობა გადამიხადა იმისთვის, რომ თავის დროზე, არასწორად მიმაჩნდა „ცენტრისტების“ საარჩევნო რეგისტრაციიდან მოხნა. პარტია მხოლოდ იმის გამო მოხსნეს რეგისტრაციიდან, რომ ისინი საქართველოში რუსეთის ბაზების დაკანონებას ითხოვდნენ. მაშინ რეგისტრაცია „ქართულ ოცნებასაც“ და „ნაციონალურ მოძრაობასაც“, თავის სატელიტებიანად უნდა გაუუქმონ. ისინი მხარს საქართველოში ნატო-ს ჯარების შემოყვანას უჭერენ. ამაზე გადამიხადა ადამიანმა მადლობა და წავიდა. ქართველებს აღარ დაველაპარაკო?! ლადო ბედუკაძესთან წინასაარჩევნოდ თანამშრომლობას არ ვაპირებ“, - განაცხადა მეჭიაურმა.

შეგახსენებთ,  გუშინ პოლიტიკური მოძრაობა „ცენტრისტების“ ერთ-ერთი ლიდერი ვლადიმერ ბედუკაძე პარლამენტში თამაზ მეჭიაურს შეხვდა. ბედუკაძის განცხადებით, მან  მეგობართან პოლიტიკურ საკითხებზე ისაუბრა, თუმცა დეტალები არ დაუკონკრეტებია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს