2016-08-20 16:56:01, 739 ნახვა
პოლიტიკა
პრემიერი: დარწმუნებულნი ვართ, რომ მაჟორიტარების გუნდი სწორად დავაკომპლექტეთ
უამრავი სპეკულაციის მიუხედავად, რომელსაც ვისმენთ, დარწმუნებულნი ვართ, რომ მაჟორიტარების გუნდი სწორად დავაკომპლექტეთ, - ამის შესახებ პრემიერ-მინისტრმა გიორგი კვირიკაშვილმა ჟურნალისტებს განუცხადა.
კვირიკაშვილის თქმით, წარმოდგენილი გუნდი შეძლებს, ძალიან კვალიფიციურად გაართვას თავი საქართველოს პარლამენტში ადგილობრივი მცხოვრებლების ინტერესების დაცვას.
"მათ აქვთ ამის გამოცდილება. ეს არის გუნდი, რომელიც დაკომპლექტებულია პროფესიონალიზმის ნიშნით, რაც ძალიან მნიშვნელოვანია",- აღნიშნა გიორგი კვირიკაშვილმა.
შეგახსენებთ, რომ მთავრობის მეთაურმა ბოლნისში, დმანისსა და მარნეულში მაჟორიტარი დეპუტატობის კანდიდატები წარადგინა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
