ცენტრალურმა საარჩევნო კომისიამ თბილისის საკრებულოს შუალედური არჩევნები დანიშნა.

როგორც ცესკო-ს პრესსპიკერმა ანა მიქელაძემ განაცხადა, ადგილობრივი თვითმმართველობის, წარმომადგენობითი ორგანოს საკრებულოს შუალედური არჩევნები წალკის, ჭიათურის, აბაშის, კრწანისის, ისნის, გლდანისა და ზუგდიდის ადგილობრივ საარჩევნო ოლქებში დაინიშნება.

მისივე თქმით, დღეს საქართველოს პრეზიდენტმა მერისა და თვითმმართველი თემის გამგებლების რიგგარეშე არჩევნები დანიშნა, რომელიც ბოლნისის, ქალაქ ახალციხის, ხარაგაულის, ზუგდიდისა და წალენჯიხის საარჩევნო ოლქებში გაიმართება.

"დღევანდელ სხდომაზე ცესკო-მ დაადგინა საარჩევნო გრაფიკები ორივე ზემოთ აღნიშნული არჩევნებისთვის. საკრებულოს შუალედური, ასევე მერისა და თვითმმართველი გამგებლების რიგგარეშე არჩევნების დანიშვნა ყველა საარჩევნო ოლქში მოხდა საკრებულოს მაჟორიტარი დეპუტატებისთვის, მერისა და გამგებლებისთვის უფლებამოსილების ვადამდე შეწყვეტის გამო. საერთო ჯამში საკრებულოს შუალედური არჩევნები ჩატარდება 7 საარჩევნო ოლქის 106 საარჩევნო უბანზე, ხოლო მერისა და გამგებლების რიგგარეშე არჩევნები ჩატარდება 263 საარჩევნო უბანზე", - განაცხადა მიქელაძემ. 

შეგახსენებთ, რომ არჩევნები 8 ოქტომბერს გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა