2016-08-19 15:08:24, 717 ნახვა
პოლიტიკა
პარლამენტის საპროცედურო საკითხთა კომიტეტის სხდომა ჩაიშალა
პარლამენტის საპროცედურო საკითხთა კომიტეტის სხდომა, რომელზეც უბლოკო სტატუსთან დაკავშირებით ნინო ბურჯანაძის ინიციატივაზე უნდა იმსჯელონ, კვორუმის არარსებობის გამო ჩაიშალა.
აღსანიშნვია, კომიტეტს სულ 15 წევრი ჰყავს. კვორუმისთვის 8 დეპუტატია საჭირო, თუმცა პარლამენტში მხოლოდ 5 დეპუტატი მივიდა.
როგორც კომიტეტის თავმჯდომარე გიორგი კახიანმა განაცხადა, ის მომავალ კვირას გამოაცხადებს საკომიტეტო მოსმენის გამართვის ახალ თარიღს. მან აქვე ხაზგასმით აღნიშნა, რომ განსახილველად წარმოდგენილი საკითხები საკომიტეტო სხდომაზე გამოტანილი იქნება რეგლამენტით დადგენილ ვადებში.
ამასთან, "ნაციონალური მოძრაობა", რომელსაც კომიტეტში ხუთი წევრი ყავს, პოლიტიკური ბოიკოტის რეჟიმშია.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
