2016-08-10 12:13:15, 1680 ნახვა
სამართალი
გამსახურდიას გამზირზე ტაქსის მძღოლი დაჭრეს
თბილისში, გამსახურდიას გამზირზე ტაქსის მძღოლი დაჭრეს.
არსებული ინფორმაციით, მგზავრები მძღოლს ფულს არ უხდიდნენ, რასაც სიტყვიერი დაპირისპირება მოჰყვა, შემდეგ კი, ერთ-ერთმა მგზავრმა მას ცეცხლსასროლი იარაღიდან ესროლა.
მამაკაცი მხარშია დაჭრილი, იგი საავადმყოფოში გადაიყვანეს.
როგორც „ექსპრესნიუსს“ შინაგან საქმეთა სამინისტროს საზოგადოებასთან ურთიერთობის სამსახურში განუცხადეს, მომხდარ ფაქტზე ორი პირია დაკავებული.
„საპატრულო პოლიციას შეჩერებული ყავს ორი პირი, დადგენილია მათი ვინაობები და მიმდინარეობს საგამოძიებო მოქმედებები“, - განუცხადეს „ექსპრესნიუსს“ შსს-ში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
