თბილისში „ეროვნული ფორუმის" ოფისი გაქურდეს

2016-08-10 09:39:07, 1412 ნახვა

სამართალი

თბილისში, დადიანის ქუჩაზე მდებარე "ეროვნული ფორუმის" ოფისი გაქურდეს.

შემთხვევა წუხელ ღამით მოხდა.

როგორც "ქსპრესნიუსს" ფორუმის ერთ-ერთმა ლიდერმა ანი მიროტაძემ განუცხადა, მოხსნილია მონიტორები და გაბნეულია დოკუმენტაცია. მიროტაძისთვის უცნობია, რა მიზნით შევიდნენ მათ ოფისში. მომხდართან დაკავშირებით გამოძიება მიმდინარეობს:

"წუხელ ღამით მოხდა ეს ფაქტი. ჩვენ შეგვატყობინეს ამის შესახებ, დეტალები არვიცი, თუმცა, გვიან ღამემდე მუშაობდა გამოძიება. იყვნენ მოსულები კრიმინალისტებიც. როცა შევედით ოფისში, დაგვხვდა მოხსნილი მონიტორები, ფურცლები, დოკუმენტაცია გაბნეული. არვიცი, რა მიზნით იყო შესული, ან ერთი იყო, რამდენიმე იყვნენ, ყველაფერი ალბათ მალე გახდება ცნობილი გამოძიების შედეგებიდან გამომდინარე",-განუცხადა ანი მიროტაძემ "ექსპრესნიუსს".

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან