ფინანსთა მინისტრი ნოდარ ხადური გერმანიის რეკონსტრუქციის საკრედიტო ბანკის (KfW) აღმოსავლეთ ევროპის, კავკასიის და ცენტრალური აზიის დეპარტამენტის დირექტორს, ევა ვიტს და კავკასიის რეგიონული ოფისის ახალ დირექტორს, კლაუს ფაიგელს, რომელიც აგვისტოს დასაწყისიდან შეცვლის ამჟამინდელ დირექტორს, ლარს ოერმანს შეხვდრა.
 
როგორც "ექსპრენიუსს" ფინანსთა სამინისტროდან აცონებს, შეხვედრაზე ფინანსთა მინისტრმა, კიდევ ერთხელ, მწუხარება გამოთქვა ქალაქ მიუნხენში განხორციელებული თავდასხმის შედეგად უდანაშაულო ადამიანების დაღუპვის გამო და სამძიმარი გამოუცხადა გერმანიის მთავრობასა და გერმანელ ერს.
 
მხარეებმა განიხილეს საქართველოში გერმანიის რეკონსტრუქციის საკრედიტო ბანკის მიერ მხარდაჭერილი პროექტების მიმდინარეობა და სამომავლო თანამშრომლობის საკითხები.
 
ფინანსთა მინისტრმა, ნოდარ ხადურმა კლაუს ფაიგელს წარმატება უსურვა საქართველოში საქმიანობის დაწყებასთან დაკავშირებით და იმედი გამოთქვა, რომ ახალ რეგიონულ დირექტორთან და მის გუნდთან, კვლავ გაგრძელდება პარტნიორობა. ფინანსთა მინისტრმა, ასევე, მადლობა გადაუხადა ლარს ოერმანს საქართველოში მოღვაწეობისა და თანამშრომლობისთვის.
 
გერმანიის ფედერაციული რესპუბლიკის ფინანსური მხარდაჭერით, ამჟამად, საქართველოში მიმდინარეობს პროექტები, მათ შორის, ისეთი პრიორიტეტული მიმართულებებით, როგორებიც არის: ენერგეტიკა, ურბანული და მუნიციპალური ინფრასტრუქტურის, დაცული ტერიტორიების განვითარება და დევნილთა საცხოვრებელი პირობების გაუმჯობესება.
 
გერმანიის რეკონსტრუქციის საკრედიტო ბანკი გერმანიის მთავრობის დავალებით, საქართველოში ახორციელებს განვითარების პროექტებს დაფინანსებულს შეღავათიანი სესხის და გრანტის სახით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს

მოქალაქეების 71% მხარს უჭერს ქვეყნის ევროკავშირში გაწევრიანებას, თუმცა 49% მიიჩნევს, რომ საქართველო ევროინტეგრაციის პროცესში არასწორი მიმართულებით მიდის

ლელო: სააკაშვილის განცხადება პოლიტიკური განხეთქილების შექმნის მცდელობაა

ნავროცკიმ ზელენსკის მიმართა „თეთრი არწივის“ სკანდალის ფონზე