პარიზში პოლიციასა და დემონსტრანტებს შორის შეტაკების შედეგად 26 ადამიანი დაშავდა

2016-06-15 12:05:59, 646 ნახვა

პოლიტიკა

პარიზში პოლიციასა და დემონსტრანტებს შორის შეტაკების შედეგად 26 ადამიანი დაშავდა, - ამის შესახებ Associated Press იუწყება.

როგორც მედია საშუალება წერს, აქციის მონაწილეები შრომითი კანონმდებლობის რეფორმას აპროტესტებენ. დაშავებულთა შორის 20 სამართალდამცველი და საპროტესტო აქციის 6 მონაწილეა. მედიის ცნობით, არეულობის დროს 20 ადამიანი დააკავეს.

Associated Press-ის ცნობით, პარიზის სამხრეთ ნაწილში პოლიციამ დემონსტრანტების წინააღმდეგ წყლის ჭავლი მას შემდეგ გამოიყენა, რაც ნიღბიანი მომიტინგეების ჯგუფმა სამართალდამცველებს ქვები და ბოთლები ესროლა.

ცნობისთის, შრომითი კანონმდებლობის რეფორმას პროფკავშირებით გაფიცვის გზით აპროტესტებენ. ეიფელის კოშკი დაიხურა, სატრანსპორტო მიმოსვლა ნაწილობრივ შეწყვეტილია, რამაც ევრო-2016-ზე დასასწრებად ჩასულ გულშემატკივრებს ქვეყანაში გადაადგილება გაურთულა.

პროფკავშირები ახალი შრომითი კანონმდებლობის გაუქმებას ითხოვენ, რომელიც დამსაქმებელს თანამშრომლების სამსახურიდან გათავისუფლებას უმარტივებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან