2016-06-10 14:27:14, 585 ნახვა

---

შვედეთის იუსტიციის მინისტრი: საქართველო, ვიზალიბერალიზაციის მოლოდინში მყოფ ქვეყნებს შორის, საბოლოო გადაწყვეტილებასთან ყველაზე ახლოსაა

შვედეთის იუსტიციისა და მიგრაციის მინისტრის მორგან იოჰანსონის განცხადებით, საქართველო სხვა ქვეყნებთან შედარებით, რომლებიც ვიზალიბერალიზაციას ელოდებიან, საბოლოო გადაწყვეტილებასთან ყველაზე ახლოსაა.

იოჰანსონის თქმით, საქართველო ვიზალიბერალიზაციის სამოქმედო გეგმის კრიტერიუმებს ყველაზე მეტად აკმაყოფილებს.

"საქართველო არის ქვეყანა, რომელმაც კრიტერიუმები ყველაზე მეტად დააკმაყოფილა და მე ვაპირებ ამის თქმას დღევანდელ შეხვედრაზე. მე არ მსურს სხვა ქვეყნების შეფასებებზე საუბარი, თუმცა რაც შეეხება შვედეთის პოზიციას, მიგვაჩნია, რომ საქართველო, ვიზალიბერალიზაციის მოლოდინში მყოფ ქვეყნებს შორის, საბოლოო გადაწყვეტილებასთან ყველაზე ახლოსაა", - განაცხადა შვედეთის იუსტიციისა და მიგრაციის მინისტრმა მორგან იოჰანსონმა.

ცნობისთვის, აღნიშნული კომენტარი იოჰანსონმა, ლუქსემბურგში ევროკავშირის მინისტრების შეხვედრის დაწყებამდე გააკეთა.

შეგახსენებთ, რომ შვედეთის პარლამენტმა გადაწყვითა საქართველოს ვიზალიბერალიაციას მხარი დაუჭიროს. 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი