საქართველოს თავდაცვის სამინისტრო ივნისის ტრაგედიის დაძლევაში ქართული ჯარის მონაწილეობის თემაზე ზოოპარკში და ვაკე-საბურთალოს დამაკავშირებელ გზაზე ფოტოგამოფენის მოწყობას გეგმავს.

როგორც „ექსპრესნიუსს“ თავდაცვის სამინისტროდან აცნობეს, ღონისძიებაში მონაწილეობის მიღება შეუძლია ყველას, ვინც ერთი წლის წინ სტიქიის ზონაში სამხედრო მოსამსახურეების საქმიანობა საკუთარ ფოტოობიექტივით ასახა.

მათივე ცნობით, სამინისტრო საუკეთესო ნამუშევრებს 13 ივნისს ზოოპარკში დაგეგმილ ღონისძიებაზე - უწყების ფოტოგრაფების მიერ გადაღებულ ფოტოებთან ერთად გამოფენს.

ცნობისთვის, 13 ივნისს თბილისში მომხდარი წყალდიდობიდან ერთი წელი სრულდება.

 სტიქიით გამოწვეული ზარალის სალიკვიდაციო სამუშაოებში სხვა უწყებებთან ერთად საქართველოს შეიარაღებული ძალების სხვადასხვა დანაყოფები და სამხედრო ტექნიკა 24-საათიან რეჟიმში მუშაობდა.

დაინტერესებულ პირებს შეუძლიათ, ფოტოები გამოგზავნონ  11 ივნისის 18:00 სთ-მდე თავდაცვის სამინისტროს ელექტრონულ ფოსტაზე - pr@mod.gov.ge

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა