ბატონი თამაზის განცხადება არის აბსოლუტურად აცილებული იმ საგარეო პოლიტიკურ კურსს, რომელიც "ქართულ ოცნებას“ აქვს, - ასე გამოეხმაურა საქართველოს პრემიერ-მინისტრი გიორგი კვირიკაშვილი დეპუტატ თამაზ მეჭიაურის განცხადებას ნატო-ში გაწევრიანებასთან დაკავშირებით.

როგორც პრემიერმა აღნიშნა, დასანანია, რომ მეჭიაურის განცხადებები მთავრობის პოლიტიკურ პრიორიტეტს არ გამოხატავს.

"დიდი სინანულით უნდა ვთქვა, რომ ბატონი თამაზის განცხადება არის აბსოლუტურად აცილებული იმ საგარეო პოლიტიკურ კურსს, რომელიც "ქართულ ოცნებას“ და საქართველოს მთავრობას აქვთ და რომელიც თავის მხრივ, "ქართული ოცნების“ კურსის გამომხატველია. ძალიან დასანანია, რომ ბატონი თამაზის განცხადებები არ გამოხატავს საქართველოს მთავრობის და "ქართული ოცნების" საგარეო პოლიტიკურ პრიორიტეტს”, - განაცხადა პრემიერმა.

შეგახსენებთ, საპარლამენტო უმრავლესობის წევრმა თამაზ მეჭიაურმა განაცხადა, რომ საქართველოს ნატო-ში გაწევრიანება აფხაზეთისა და ე.წ. სამხრეთ ოსეთის დამოუკიდებლობის აღიარების გარეშე არ მოხდება. როგორც მან აღნიშნა, დღევანდელი მოცემულობით საქართველოს ნატო-ში არავინ მიიღებს, რადგან რუსეთთან სამხედრო დაპირისპირებას ყველა გაურბის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დიმიტრი გუტკოვი - საქართველოს დემოკრატიული, ევროპული გზა ეს არ არის გზა რუსეთის წინაამდეგ, ეს მხოლოდ პუტინის დიქტატურის წინაამდეგ

ერდოღანს 2028 წელს მესამედ შეეძლება პრეზიდენტად კენჭისყრა

ვენესუელაში მიწისძვრის შედეგად დაღუპულთა რიცხვი 164-მდე გაიზარდა

კობახიძე: ჩვენთვის არავითარი ფასი არ აქვს ასეთ რეზოლუციებს, მძიმე მდგომარეობაა PACE-ში