2015-02-23 12:08:32, 598 ნახვა
პოლიტიკა
შავლიაშვილი ახალი ხელისუფლების დროს საქართველოში შემოსულ ინვესტორებს ვერ ასახელებს
მინისტრები ახალი ხელისუფლების დროს საქართველოში შემოსულ ინვესტორებს ვერ ასახელებენ.
როგორც რეგიონული განვითარებისა და ინფრასტრუქტურის მინისტრმა დავით შავლიაშვილმა მთავრობის სხდომის დასრულების შემდეგ ჟურნალისტებს განუცხადა, ინვესტორებთან დაკავშირებული საკითხები ფინანსთა სამინისტროს პრეროგატივაა, რადგან კონკრეტულ ორგანიზაციებთან მოლაპარაკებებს აღნიშნული უწყება აწარმოებს.
"ინვესტორები, საერთაშორისო დონორი ორგანიზაციები, ვინც შემოსულები არიან, ყველა მუშაობს ჩვენთან. კონკრეტულად ვერ ვიხსენებ. ეს არის ფინანსთა სამინისტროს პრეროგატივა, რადგან კონკრეტულ ორგანიზაციებთან მოლაპარაკებას ეს უწყება აწარმოებს", - აღნიშნა შავლიაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
