სანქცირებული სამთავრობო ტელეკომპანია „იმედის“ მიერ გავრცელებული ინფორმაციის თანახმად, ჯაშუშობის ბრალდებით საქართველოს სახელმწიფო უსაფრთხოების სამსახურის მიერ ადრე დაკავებული პირი არის ევრაზიის ინსტიტუტის დამფუძნებელი და დირექტორი, ქართველი ანალიტიკოსი გულბაატ რცხილაძე. ტელევიზია აცხადებს, რომ ეს ინფორმაცია უკვე დაადასტურა სახელმწიფო უსაფრთხოების სამსახურმა.

ადრე სახელმწიფო უსაფრთხოების სამსახურის უფროსის მოადგილემ, ლაშა მაღრაძემ, პრესკონფერენციაზე განაცხადა, რომ დაკავებულს კავშირი ჰქონდა ორი უცხო ქვეყნის სადაზვერვო სამსახურებთან. ბრალდებული არასამთავრობო ორგანიზაციის დამფუძნებელი და დირექტორია.

„უცხოური სადაზვერვო სამსახურების მითითებითა და დაფინანსებით, ბრალდებულებმა შექმნეს საინფორმაციო პლატფორმები და ორგანიზება გაუწიეს სხვადასხვა ღონისძიებებს მთელი ქვეყნის მასშტაბით ამ საქმიანობის განსახორციელებლად.

აღსანიშნავია, რომ ბრალდებულები ერთდროულად თანამშრომლობდნენ ორი უცხო ქვეყნის სადაზვერვო სამსახურებთან და ახორციელებდნენ პარალელურ სადაზვერვო საქმიანობას.

გამოძიება მიმდინარეობს საქართველოს სისხლის სამართლის კოდექსის 314-ე მუხლის პირველი ნაწილით, რაც 8-დან 12 წლამდე თავისუფლების აღკვეთას ითვალისწინებს“, - განაცხადა მაღრაძემ.

2025 წლის 25 დეკემბერს საქართველოში რუსეთის ინტერესთა სექციაში „ევრაზიის ინსტიტუტის“ ხელმძღვანელისა და მოძრაობა „საქართველოს უკვდავი ჯარის“ კოორდინატორის, გულბაათ ვიქტორის ძე რცხილაძისთვის სამახსოვრო მედლის - „1941-1945 წლების დიდ სამამულო ომში გამარჯვების 80 წლისთავი“, გადაცემის საზეიმო ცერემონია გაიმართა.

 მედალი გადაეცემა რუსეთის ფედერაციის პრეზიდენტის, ვლადიმერ პუტინის განკარგულებით.

„მადლობა გამორჩეულ მსოფლიო ლიდერს, ვლადიმერ ვლადიმირის ძე პუტინს! მადლობა მოძმე და დიდ რუს ხალხს! ეს ჯილდო ყველა ჩვენი ქართველი თანამებრძოლისაა! წარსულის ხსოვნით წინ, მომავლისკენ!“ - დაწერა ამის შესახებ რცხილაძემ თავის Facebook-პროფილში.

ავტორი: ექსპრესნიუსი,

სოციალური ქსელები

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა

ხოშტარია: ვმუშაობდი და გავაგრძელებ მუშაობას „მოღალატე რუსების“ წინააღმდეგ სანქციებზე