45 ტომი რელევანტური და სარწმუნო მტკიცებულებების გარეშე: რატომ გაასაიდუმლოეს 8 ოპოზიციონერის სასამართლო პროცესი? - ამ სათაურით აქვეყნებს "საერთაშორისო გამჭვირვალობა საქართველო" განცხადებას. 

TI-ის შეფასებით, ბრალდების 45-ტომიან საქმეში არცერთი რელევანტური და სარწმუნო მტკიცებულება არ დევს, მაგრამ ამ პროცესის მიზანი სამართლის პოვნა არც არასდროს ყოფილა.

ორგანიზაციაში ამბობენ, რომ საქმეში მტკიცებულებების ნაცვლად შეტანილია მედია-წყაროები, ფეისბუქ სტატუსები და ერთმანეთთან დაუკავშირებელი ფინანსური დოკუმენტები.

სისხლისსამართლებრივი დევნის ობიექტია საზოგადოებაში გარკვეული გავლენის მქონე ყველა ძირითადი ოპოზიციური პარტიის ლიდერი, რაც ბუნებრივად აჩენს გონივრულ ეჭვს, რომ ივანიშვილის და მისი „ქართული ოცნების“ ხელისუფლების მიერ სისხლისსამართლებრივი პროცესი პოლიტიკური კონკურენციის შესაზღუდად ან საერთოდ მოსასპობად გამოიყენება. ეს განსაკუთრებით თვალსაჩინო ხდება იმ ფონზე, რომ ამ სისხლის სამართლის საქმის პარალელურად საქართველოს საკონსტიტუციო სასამართლოს წარმოებაშია „ქართული ოცნების“ საპარლამენტო დეპუტაციის კონსტიტუციური სარჩელი 4 ყველაზე გავლენიანი პოლიტიკური პარტიის აკრძალვის მოთხოვნით.

აქვე აღსანიშნავია, რომ რამდენიმე ბრალდებული - გიორგი ვაშაძე, ზურაბ (გირჩი) ჯაფარიძე, ნიკა გვარამია, მამუკა ხაზარაძე გასულ წელსაც ისხდნენ ციხეში “ოცნების” პარლამენტის დროებით საგამოძიებო კომისიაზე გამოუცხადებლობის გამო. სამი მათგანი - მიხეილ სააკაშვილი, ელენე ხოშტარია და ნიკა მელია, სხვადასხვა „დანაშულის“ ჩადენისათვის  ახლაც საპატიმრო დაწესებულებაში იმყოფებიან.

ზემოაღნიშნული ე.წ. „დანაშაულების“ დამტკიცების შემთხვევაში ისინი ყველა, ახლა უკვე დიდი ხნით აღმოჩნდებიან საპატიმრო დაწესებულებაში.

დაბოლოს, ამავე კონტექსტში უნდა გავიხსენოთ ისიც, რომ რამდენიმე სხვა პოლიტიკური მოღვაწე, მათ შორის, “ერთიანი ნაციონალური მოძრაობის” ყოფილი თავმჯდომარე ლევან ხაბეიშვილი, პაატა ბურჭულაძე, მურთაზ ზოდელავა, ირაკლი ნადირაძე, პაატა მანჯგალაძე და სხვები უკვე იხდიან სასჯელს სხვა, ასევე პოლიტიკურ საქმეებთან დაკავშირებით. "- წერს ორგანოზაცია. 

ეს საქმე უნიკალურია იმ თვალსაზრისით, რომ ბრალდების საფუძველია არა ერთი რომელიმე კონკრეტული ეპიზოდი ან ქმედება, რომლის ჩადენაც შეერაცხებათ ბრალდებულებს, არამედ ოპოზიციური პოლიტიკური ლიდერების ზოგადი კრიტიკული განწყობები და პოზიცია საქართველოში მიმდინარე მოვლენების  მიმართ. სხვა სიტყვებით, პოლიტიკოსები ისჯებიან იმიტომ, რომ ოპოზიციონერი პოლიტიკოსები არიან.

TI-ის განცხადება სრულად ნახეთ აქ 

ავტორი: ექსპრესნიუსი,

სოციალური ქსელები

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია