2016-04-02 15:34:14, 598 ნახვა
საზოგადოება
ჩუღურეთის რაიონში ოთხი სტადიონის აღდგენა-რეაბილიტაცია დასრულდა
ჩუღურეთის რაიონში, აჭარის ქ.#10, დავითაშვილის #48, ნორიოს #54-სა და დგებუაძის #1-ში სპორტული მოედნების აღდგენა-რეაბილიტაცია დასრულდა.
მერიის ინფორმაციით, სარეაბილიტაციო სამუშაოების ფარგლებში გამოიცვალა ხელოვნური, მწვანე საფარი, განახლდა მოედნების კარები და საკალათბურთო ფარები; პროექტის საერთო ღირებულება 74 000 ლარს შეადგენს.
ჩუღურეთის რაიონის გამგებელმა ზურაბ ჩიკვილაძემ აღდგენილი სტადიონები დაათვალიერა და აჭარის #10-ში განახლებულ სტადიონზე ბავშვების თამაშს დაესწრო.
„სპორტული მოედნების რეაბილიტაცია-აღდგენა, კეთილმოწყობილი ინფრასტრუქტურა, ახალგაზრდებში ჯანსაღი ცხოვრების წესის დანერგვას შეუწყობს ხელს'', - განაცხადა ზურაბ ჩიკვილაძემ.
2016 წლის ბოლომდე ჩუღურეთის რაიონში 10 სტადიონის აღდგენა-რეაბილიტაცია იგეგმება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
