აშშ-ის წარმომადგენელთა პალატაში წარადგინეს ახალი კანონპროექტი, რომელიც საქართველოში რუსეთისა და ჩინეთის სადაზვერვო საქმიანობის შესახებ ანგარიშის მომზადებას ითვალისწინებს | კანონპროექტის ინიციატორი რესპუბლიკელი კონგრესმენი ჯო უილსონია, მისი კოსპონსორი კი დემოკრატი კონგრესმენი სტივ კოენი. დოკუმენტის წარდგენის თანახმად, აღნიშნული ანგარიშის მიზანია, მომზადდეს ანგარიში რუსული და ჩინური სადაზვერვო აქტივების შესახებ საქართველოში, ასევე სხვა „დაკავშირებულ საკითხებზე“. კანონპროექტის სახელწოდებაა „საქართველოში რუსული და ჩინური სადაზვერვო აქტივების შესახებ ანგარიშის წარდგენისა და სხვა მიზნებისთვის“

 დოკუმენტი ავალდებულებს აშშ-ის აღმასრულებელ ხელისუფლებას (სახელმწიფო დეპარტამენტს და სადაზვერვო სამსახურებს), რომ განსაზღვრულ ვადაში მოამზადონ და კონგრესს წარუდგინონ დეტალური ანგარიში, რომელიც მოიცავს:

 რუსული გავლენის აგენტები: საქართველოში რუსული სპეცსამსახურების (FSB, GRU, SVR) ქსელების, მათი აქტივებისა და გავლენის აგენტების იდენტიფიცირება

 ჩინური კავშირები: ჩინეთის სახალხო რესპუბლიკის სადაზვერვო და ეკონომიკური გავლენის მექანიზმების შესწავლა საქართველოში და მათი შესაძლო თანამშრომლობა რუსულ ინტერესებთან

• საფრთხეების შეფასება: როგორ აზიანებს ეს აქტივობები საქართველოს სუვერენიტეტს და აშშ-საქართველოს შორის უსაფრთხოების სფეროში თანამშრომლობას

 კანონპროექტი გადაეცა წარმომადგენელთა პალატის საგარეო საქმეთა კომიტეტს (House Foreign Affairs Committee). ეს არის პირველი ეტაპი - კომიტეტი განიხილავს ტექსტს, რის შემდეგაც მას კენჭს უყრიან პალატაში, შემდეგ კი სენატში.

ავტორი: ექსპრესნიუსი,

სოციალური ქსელები

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა

ახმეტაში, შვილის გადარჩენის მცდელობისას მამაკაცი ტბაში დაიხრჩო

ბრიტანეთმა რუსული „ჩრდილოვანი ფლოტის“ ტანკერი დააკავა