აჭარის მთავრობის თავმჯდომარე არჩილ ხაბაძე ბათუმის შოთა რუსთაველის სახელმწიფო უნივერსიტეტს ეწვია.

როგორც „ექსპრესნიუსს“ აჭარის მთავრობის პრესსამსახურიდან აცნობეს, მთავრობის თავმჯდომარემ რექტორის მოვალეობის შემსრულებელ მერაბ ხალვაშთან ერთად, 2015-2016 წლებში უნივერსიტეტში მიმდინარე სარემონტო და ინფრასტრუქტურული სამუშაოები მოინახულა.

მათივე ინფორმაციით, ვიზიტის ფარგლებში რუსთაველის ქუჩაზე მდებარე ახალი კორპუსის განახლებული მე-4 და მე-5 სართული დაათვალიერს. ასევე მოინახულეს პროფესიული პროგრამის ფარგლებში აღჭურვილი საინფორმაციო ტექნოლოგიების კაბინეტი, განახლებული ბიოლოგიისა და მინეროლოგიის კაბინეტები , იურიდიული კლინიკა, განახლებული სასამართლო საიმიტაციო დარბაზი, კრიმინალისტიკური ლაბორატორიისა და სტუდენტებისათვის მოწყობილი თავისუფალი სამუშაო სივრცეები.

სარემონტო და ინფრასტრუქტურული სამუშაოები ბათუმის შოთა რუსთაველის სახელმწიფო უნივერსიტეტში 2015 წლიდან აქტიურად მიმდინარეობს. სამუშაოების დასრულებისათვის აჭარის ბიუჯეტიდან 800 ათასი ლარი გამოიყო. ტენდერის გამოცხადების შემდეგ კი კეთილმოეწყობა ახალი კორპუსის 5-ვე სართული, სასწავლო და სამეცნიერო ფართები და ფასადი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს