2025-09-15 09:43:58, 1441 ნახვა
მსოფლიო
ტრამპი - შვიდი ომი შევაჩერე, მაგრამ ეს რთული აღმოჩნდა
აშშ-ის პრეზიდენტმა, დონალდ ტრამპმა, რუსეთ-უკრაინის ომზე საუბრისას განაცხადა, რომ შვიდი ომი შეაჩერა, თუმცა ეს პროცესი მარტივი არ ყოფილა.
ტრამპის თქმით, უკრაინისა და რუსეთის პრეზიდენტებს, ვოლოდიმირ ზელენსკისა და ვლადიმერ პუტინს, შორის პირადი დამოკიდებულებაა ყველაზე დიდი დაბრკოლება მათი შეხვედრისთვის.
„ზელენსკის და პუტინს ერთმანეთი ისე სძულთ, რომ ლაპარაკიც კი უჭირთ“, — განაცხადა ტრამპმა.
კითხვაზე, იქნება თუ არა შემდეგი ნაბიჯი სამმხრივი სამიტი, აშშ-ის პრეზიდენტმა უპასუხა, რომ ფორმატს მნიშვნელობა არ აქვს.
„მოლაპარაკებები იქნება — სამიტს დავარქმევთ თუ უბრალოდ შეხვედრას, მნიშვნელობა არ აქვს. თუმცა, ალბათ, მე მომიწევს ჩართვა, რადგან მათ ერთმანეთი ისე სძულთ, რომ თითქმის ვერ საუბრობენ“, — აღნიშნა ტრამპმა.
ავტორი: ექსპრესნიუსი,
epn.ge (@expressnews.ge)
