უნგრეთმა ჯაშუშობის ბრალდებით ქვეყნიდან ორი უკრაინელი დიპლომატი გააძევა. ამის შესახებ განცხადება უნგრეთის საგარეო საქმეთა მინისტრმა, პიტერ სიიარტომ გააკეთა.

სიიარტოს თქმით, უკრაინაში „სულ უფრო ძლიერი ანტი-უნგრული პროპაგანდა“ და „უნგრელების დისკრიმინაციის კამპანიაა“.

მისი განცხადებით, ორი „ჯაშუში“, რომელიც ბუდაპეშტში უკრაინის საელჩოში თითქოსდა დიპლომატიური საფარის ქვეშ მოქმედებდნენ, 9 მაისს იყვნენ გაძევებული უნგრეთიდან. გადაწყვეტილება ცოტა ხნის წინ უნგრეთში უკრაინის ელჩს გადაეცა.

„უნგრელების წინააღმდეგ ბოლო კამპანიას იგივე მიზანი აქვს, რაც წინებს. ჩვენ, უნგრელებს, მშვიდობა გვსურს, ომს ვეუბნებით „არა”, არასდროს ვაწვდიდით უკრაინას იარაღს და ამას არ გავაკეთებთ. არ ვაძლევდით და არ მივცემთ ომში ჩვენი ჩათრევის საშუალებას“, - განაცხადა სიიარტომ.

ცნობისთვის, დღეს უკრაინის უსაფრთხოების სამსახურმა ინფორმაცია გაავრცელა, რომ მათ უნგრეთის სამხედრო დაზვერვის ქსელი გამოააშკარავეს, რომელიც ჯაშუშურ საქმიანობას აწარმოებდა უკრაინის ზაკარპატიეს რეგიონში. მათივე ცნობით, ისინი ცდილობდნენ რეგიონის სამხედრო დაცულობის შესახებ ინფორმაციის მოპოვებას, და ადგილობრივი მცხოვრებლების საზოგადოებრივ-პოლიტიკური შეხედულებების შესწავლას: „კერძოდ, მათი ქცევითი სცენარების შესწავლას, თუ რეგიონის ტერიტორიაზე უნგრული ჯარები შევიდოდნენ“.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია