კურსკის ოლქში, გლუშკოვოს დასახლებაში ევაკუაცია გამოცხადდა. 

რუსი სამხედროები დასახლებიდან მშვიდობიან მოსახლეობას გაიყვანენ. 

ინფორმაციას ევაკუაციის შესახებ დასახლებული პუნქტის ადმინისტრაციის ხელმძღვანელი ვასილი ხუდიაკოვი ავრცელებს.

"შექმნილი მდგომარეობიდან გამომდინარე, აუცილებელია დაუყოვნებლივი ევაკუაცია". – თქვა ხუდიაკოვმა.

გლუშკოვოს დასახლება უკრაინის საზღვართან დაახლოებით 7 კილომეტრში მდებარეობს.

გარდა ამისა, 5 მაისს ცნობილი გახდა, რომ უკრაინაში, სუმის ოლქში, ორი ქალაქის მოსახლეებსაც ევაკუაციისკენ მოუწოდეს.

შესაბამისი განცხადება სოციალურ ქსელში სუმის საოლქო ადმინისტრაციის ხელმძღვანელმა, მიხაილ მელნიკმა გამოაქვეყნა.

"გთხოვთ ქალაქ ბელოპოლიესა და ქალაქ ბოროჟბის მოსახლეობას, სასწრაფოდ გადახვიდეთ უსაფრთხო ადგილას! საევაკუაციო ავტობუსები ყოველდღე, დილის 8:00-დან გაემგზავრებიან". – წერს მელნიკი.

მელნიკს განცხადებაში არ დაუზუსტებია, თუ რა არის ევაკუაციის საფუძველი.

ორივე ქალაქი რუსეთის საზღვართან ახლოს მდებარეობს.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია