მთავრობის ადმინისტრაციაში ევროპულ  და ევროატლანტიკურ სტრუქტურებში ინტეგრაციის საკითხებში სახელმწიფო მინისტრმა დავით ბაქრაძემ და ევროკავშირის ელჩმა საქართველოში იანოშ ჰერმანმა  ხელი მოაწერეს  14 მილიონი ევროს ოდენობის  საფინანსო შეთანხმებას "ტექნიკური თანამშრომლობის მექანიზმი", რომელიც მიზნად ისახავს ასოცირების შეთანხმების, სავიზო ლიბერალიზაციის სამოქმედო გეგმისა  და საქართველო-ევროკავშირს შორის  არსებული რეადმისიის შესახებ  შეთანხმების  განხორციელების პროცესში სახელმწიფო უწყებების  საექსპერტო მხარდაჭერას.

სახელმწიფო მინისტრ დავით ბაქრაძის განმარტებით,  აღნიშნული რესურსის  ათვისება   ევროკავშირის  დახმარების ინსტიტუციური განვითარების პროგრამებით მოხდება, როგორიცაა: საჯარო  სამსახურების  დაძმობილების პროგრამა, რომელიც ითვალისწინებს  საქართველოს  საჯარო უწყებების და ევროკავშირის  წევრი ქვეყნების  შესაბამის  ადმინისტრაციებს შორის  თანამშრომლობის ხელშეწყობს, კანონმდებლობის ჰარმონიზაციასა და  ევროკავშირის  სტანდარტებთან დაახლოებას;  ტექნიკური დახმარების პროგრამა (TA), რომელიც კერძო საკონსულტაციო  კომპანიის მიერ,  მიმღები უწყებისათვის  საექსპერტო მხარდაჭერის გაწევას გულისხმობს.

"ჩვენ ხელი მოვაწერეთ ტექნიკური  მხარდაჭერის, ტექნიკური თანამშრომლობის ინსტრუმენტს, რომელიც გულისხმობს 14 მილიონი   ევროს დახმარებას. როდესაც საქართველომ ხელი მოაწერა ასოცირების შეთანხმებას, იმ პროექტების ფარგლებში განხორციელებული საკანონმდებლო ცვლილებების კვალ და კვალ, სახელმწიფო სტრუქტურები იღებენ შესაბამის დახმარებას ევროკავშირის მხრიდან,  რათა ამ კანონმდებლობის, ამ ახალი სტანდარტის დამკვიდრებისთვის ვიყოთ მზად. ეს სხვა და სხვა ფორმით ხორციელდება. ესაა TCF-ის  პროგრამები, რომლის ფარგლებშიც   ევროკავშირის შესაბამის ქვეუწყებებთან  მონათესავე ინსტიტუტები ახორციელებენ თანამშრომლობის პროექტებს, გამოცდილების გაზიარებას, ეს არის ტექნიკური დახმარების პროექტები,  რომლის ფარგლებშიც უკვე კერძო კომპანიები ახორციელებენ  შესაბამის მხარდაჭერას სახელმწიფო ინსტიტუტებისთვის. შესაბამისად,  ამ პროცესში, რაც უკავშირდება ევროკავშირის დახმარებას, საქართველო ახორციელებს რეფორმებს,  რომლის  ფარგლებშიც და პარალელურადაც  ვიღებთ დახმარებას ევროპული მხარისგან",-განაცხადა დავით ბაქრაძემ.

ევროინტეგრაციის საკითხებში სახელმწიფო მინისტრის აპარატის ინფორმაციით, ევროინტეგრაციის პროცესში  მნიშვნელოვანი როლი ენიჭება ევროკავშირის ფინანსურ დახმარებას, რომელიც წლების  განმავლობაში  ევროკავშირის  სხვადასხვა სახის  პროგრამებისა და ინსტრუმენტების საშუალებით   ხორციელდება.

 2007 წლიდან ევროკავშირის მიერ  საქართველოსთვის გამოყოფილი  ფინანსური დახმარების  მნიშვნელოვან ნაწილს  ინსტიტუციური  განვითარების  პროგრამების დაფინანსება შეადგენს, რომელთა მიზანი საჯარო უწყებების ინსტიტუციური განვითარებაა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით