პარლამენტის წევრი ლევან ბერძენიშვილი ეხმაურება ფარმაცევტულ ბაზარზე მედიკამენტების ფასების ზრდით შექმნილ სიტუაციას. იგი საუბრობს გამძაფრებულ კონკურენციაზე, რაც ბაზარზე ახალი კომპანიის გამოჩენამ გამოიწვია:

„ახალი მოთამაშის შემოსვლა კონკურენციას ზრდის, ამაზე ორი აზრი არ არსებობს. ნებისმიერ შემთხვევაში, ჩვენ უნდა ვუგულშემატკივროთ ახალ მოთამაშეს. მის გამოჩენას შეიძლება, მყისიერად არ მოჰყვეს ფასის კლება წამლებზე, მაგრამ კონკურენცია ხარისხის მატებასა და ფასების დაცემას ნამდვილად გამოიწვევს. ასეთ დროს, ყოველთვის უკეთეს პროდუქტს უნდა ველოდოთ.

დანამდვილებით არაფრის თქმა შეიძლება, ვიდრე კვლევას საფუძვლიანად არ გავეცნობი,მაგრამ წამლებზე თუ ფასი შემცირდა, არ არის გამორიცხული, ეს „ჰუმანითის“ შემოსვლას გამოეწვია,“ – ამბობს ლევან ბერძენიშვილი.

პარლამენტარი დადებითად აფასებს სახელმწიფოს მიერ არჩეულ სტრატეგიას, მკაცრი რეგულაციების ნაცვლად, ფარმაცევტულ ბაზარზე კონკურენციის წახალისებით, მედიკამენტებზე თავად დარეგულირდეს ფასები:

„ჩვენ  რესპუბლიკელები ლიბერალები ვართ და ყოველთვის კონკურენციის წახალისებას  დავუჭერთ მხარს. კონკურენციის წახალისება სახელმწიფოს მხრიდან გადადგმული სწორი ნაბიჯია,”– აღნიშნა ბერძენიშვილმა.

ქართულ ფარმაცევტულ ბაზარზე ბოლო ოთხი თვეა, ფასების კლების ტენდენცია შეიმჩნევა. „ფანასკერტელის ინდექსზე“დაყრდნობით 32 დასახელების მედიკამენტი გაიაფდა.  ამ ინფორმაციას ახალგაზრდა ფინანსისტთა და ბიზნესმენთა ასოციაცია ავრცელებს. ისინი ბაზარზე ყოველთვიურ  რეჟიმში აკვირდებიან 200 ყველაზე ხშირად მოხმარებადი მედიკამენტის ფასს. აფბა-ს კვლევის შედეგები დროში ემთხვევა სააფთიაქო ქსელებში „ჰუმანითი ჯორჯიას“ სამკურნალო საშუალებების გამოჩენას, რომელთა ფასიც არსებულ ანალოგებთან შედარებით, მინიმუმ 30 %-ით დაბალია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს