“ვასო აბაშიძის სახელობის მუსიკისა და დრამის თეატრთან” დავით დოიაშვილის თეატრის ხელმძღვანელის თანამდებობიდან გათავისუფლების გამო მსახიობები შეიკრიბნენ.

თეატრის წინ ასევე იკრიბებიან მოქალაქეები, ადგილზე იმყოფებიან სხვადასხვა სფეროს წარმომადგენლები.

“ეს ჩვენთვის არის განგაშის სიგნალი”,- აცხადებენ მსახიობები.

ვასო აბაშიძის სახელობის მუსიკისა და დრამის თეატრის მსახიობის, ნანა ბუთხუზი საზოგადოებას მოუწოდებს გააპროტესტონ ის, რაც ხდება.

“ეს არ არის მხოლოდ ჩვენი თეატრის ამბავი, ეს არის ქვეყანა. ეს თეატრი არის საქართველო. საქართველო ვარ მე და თითოეული ჩვენგანი. მათ ჰგონიათ, რომ ეს ქვეყანა არის საროსკიპო. ვიმეორებ შექსპირის სიტყვებს - “საფლავის ქვაზე ცუდი წარწერა გერჩივნოთ მსახიობების გადაკიდებას”. მსახიობები ამ შემთხვევაში არიან ადამიანები. ძალიან არ მინდოდა ეს წუთები დამდგარიყო. დღევანდელ დღემდე თავს მაქსიმალურად ვიკავებდი. არ ვიცი ხვალ და ზეგ რას მოვიმოქმედებ. ყველას მოგიწოდებთ, რომ ქვეყანას ვუშველოთ”,- განაცხადა მსახიობმა.

მსახიობ, გიორგი ბახუტაშვილის თქმით, ის რაც კულტურის სამინისტროს სახელით გაჟღერდა, სინამდვილეში ბიძინა ივანიშვილის სახელით გაჟღერდა.

“ბიძინა ივანიშვილის სახელით გაჟღერდა, რა თქმა უნდა, კულტურის სამინისტრო არაფერ შუაშია. თუ ჰგონია, რომ ის იქნება ერთადერთი ტირანი, ვინც ხალხის დაჭერით ძალაუფლებას დიდხანს შეინარჩუნებს, ამას ცოტა ხანში დაინახავს”,- განაცხადა გიორგი ბახუტაშვილმა.

ამასთან, მსახიობ ეკა დემეტრაშვილის შეფასებით ქვეყანაში რეპრესიები დიდი ხანის წინ დაიწყო.

“რეპრესიები დიდი ხანია, რაც დაწყებულია. ამას ძალიან დიდი ხანია ვყვირით. თუ ვინმეს ეჭვი ეპარება ამაში რეპრესიები არის და თუ ვინმეს სჯერა იმ განცხადების, რასაც ე.წ კულტურის მინისტრი ამბობს, ეს მართლა აბსურდია. ყველაფერს თავი რომ დავანებოთ, ძალიან დამამცირებელია თითოეული მსახიობისთვის, რეჟისორისთვის”, - განაცხადა დემეტრაშვილმა.

ავტორი: ექსპრესნიუსი,

სოციალური ქსელები

მაისიდან მოყოლებული, უკრაინის შეიარაღებულმა ძალებმა ყირიმისკენ მიმავალ „სახმელეთო ხიდზე“ საწვავის ცისტერნებსა და სატვირთო მანქანებზე დაახლოებით 200 დარტყმა განახორციელეს.

Amnesty International - საქართველოში სამოქალაქო თავისუფლებები შემცირდა

საქართველოში ნებართვის გარეშე VI საუკუნის ეკლესია დაანგრიეს - ოცნების რეჟიმი არ რეაგირებს

UFC-ის ხელმძღვანელი: თოფურიამ თვალის სერიოზული ტრავმა მიიღო