სააკაშვილი ცდილობს, კოლექტიურმა „ნაცმოძრაობამ“ სახე შეიცვალოს და თითქოს გაკეთილშობილდეს, თუმცა როგორც ძაღლის კუდი არ გასწორდება, ისე არ გამოსწორდება „ნაცი“, – ამის შესახებ პარლამენტის იურიდიულ საკითხთა კომიტეტის თავმჯდომარემ, არჩილ გორდულაძემ საქართველოს პირველ არხს განუცხადა.

მისივე თქმით, „ნაციონალური მოძრაობა“ ყოველთვის შეეცდება, ქვეყანაში მწამებელი რეჟიმი დააბრუნოს.

„დიფ სთეითი“ გლობალურად გარდაქმნის გზაზე დგას, უნდა, რომ სახე იცვალოს. ანალოგიურად, როგორც მათი პატრონები სახეს იცვლიან, მიხეილ სააკაშვილიც ცდილობს, რომ კოლექტიურმა „ნაცმოძრაობამ“ სახე შეიცვალოს და თითქოს გაკეთილშობილდეს. თუმცა როგორ შეიძლება, სისხლიანი რეჟიმის შემქმნელი ძალა, „ნაცმოძრაობა“ რამენაირად გაკეთილშობილდეს, ეს წარმოუდგენელია. საზოგადოებამ კარგად იცის, რომ ამ ადამიანებს ზნის და ნირის შეცვლა არ შეუძლიათ. როგორც ძაღლის კუდი არ გასწორდება, ისე არ გამოსწორდება „ნაცი“. „ნაცი“ ყოველთვის შეეცდება, რომ ქვეყანაში მწამებელი რეჟიმი დააბრუნოს. ამიტომაც მარცხდებიან არჩევნებში. მომავალში მათი ბედი ისეთივე ხელმოცარული იქნება, როგორც აქამდე იყო“, – განაცხადა გორდულაძემ.

საქართველოს ყოფილმა პრეზიდენტმა, მიხეილ სააკაშვილმა სოციალურ ქსელში „ნაციონალური მოძრაობისთვის“ გარკვეული წინადადებები გამოაქვეყნა. როგორც სააკაშვილმა აღნიშნა: „კლასიკური პარტიიდან უნდა გარდავიქმნათ წინააღმდეგობის მოძრაობად, „ნაციონალურ მოძრაობას“ ვთავაზობ ძირითადი გადაწყვეტილებების მიღებას ელექტრონულად და კენჭისყრით“.

ავტორი: ექსპრესნიუსი,

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს