როდის აქეთ გახდა "ისფედი" და "საერთაშორისო გამჭვირვალობა" საერთაშორისო ორგანიზაციები? [...] რა თქმა უნდა, ჩვენი ცვლილებები მათზეც გავრცელდება. - ამის შესახებ  არჩილ გორდულაძემ განაცხადა.

"ვისზე არ გავრცელდება, მარტივია - მაგალითად, თუ ევროკავშირი გადაწყვეტს, რომ მაგალითად, ადენაუერის ფონდს მისცეს გრანტი, საერთაშორისო ორგანიზაციები არიან, ერთმანეთში რა თანხებს ჩარიცხავენ და რა თანხებს გაცვლიან, ეს ქართული სუვერენიტეტისთვის და  ქართველი ხალხისთვის არ არის საინტერესო.

მაგრამ ის თანხები, რომლებიც ჩვენს ქვეყანაში მერე უბედურების დაფინანსებას, გადატრიალების მოწყობას შესაძლებელია რომ მოხმარდეს, რა თქმა უნდა, ჩვენი ქვეყნის სუვერენიტეტისთვის და დამოუკიდებლობისთვის უმნიშვნელოვანესია, შესაბამისად, ამ ყველაფერს დასჭირდება მთავრობის კონტროლის გავლა და თანხმობის მიცემა....

რა თქმა უნდა, იქნება თანხმობები მიცემული ისეთ ღონისძიებებზე, რომელიც ხელს არ უშლის ჩვენი ქვეყნის სუვერენიტეტს, სხვა შემთხვევებში ასეთ თანხმობებთან დაკავშირებით მთავრობა იმსჯელებს დამატებით და მიღებული იქნება ის გადაწყვეტილებები, რომლებიც, რა თქმა უნდა, ჩვენი ქვეყნის უსაფრთხოებისთვის არის უმნიშვნელოვანესი.

შემდეგ, ვეღარ მოხდება მომავალში მაგალითად, აკერმანის მსგავსი ტრენინგების ჩატარება, ვეღარ დაატრენინგებენ ადამიანებს, როგორ უნდა მოაწყონ ძალადობრივი აქციები, როგორ უნდა გამოიყენონ ბულდოზერები და ტრაქტორები აქციის მიმდინარეობის დროს, ეს ყველაფერი უბრალოდ აღარ იქნება შესაძლებელი, და გრანტები, რომლებიც არის კეთილსინდისიერი, რომელიც არის სხვადასხვა ჯგუფებისთვის, საქმიანობისთვის გათვალისწინებული, ეს ყველაფერი მოიპოვებს თანხმობას და ჩვეულებრივად გაგრძელდება საქმიანობა". - განაცხადა გრანტების შესახებ კანონში დაგეგმილ ცვლილებებთან დაკავშირებით არჩილ გორდულაძემ.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით