2016-03-12 10:35:07, 548 ნახვა
საზოგადოება
დავით აღმაშენებლის გამზირზე მოძრაობა გადაიკეტება
ჩუღურეთის რაიონის გამგეობის მიერ ორგანიზებული სპორტული ღონისძიების ფარგლებში, სატრანსპორტო მოძრაობა დ. აღმაშენებლის გამზირზე N24 სკოლიდან მარჯანიშვილის მოედნამდე დღეს, 11:00 -დან 13:00 გადაიკეტება.
ამის შესახებ "ექსპრესნიუსს" თბილისის მერიიდან აცნობეს.
მათივე ინფორმაციით, მარათონი - „ჩემი გაზაფხული“ ჩუღურეთის რაიონის გამგებლის, ზურაბ ჩიკვილაძის ინიციატივით, 2015 წლიდან ტარდება, რომელიც ახალგაზრდებში ცხოვრების ჯანსაღი წესის პოპულარიზაციას ისახავს მიზნად.
ღონისძიებაში მონაწილეობას მიიღებენ ჩუღურეთის რაიონში არსებული სკოლის მოსწავლეები და ახალგაზრდები.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
