ძალიან გვჭირდება უკრაინის გაძლიერება, რომ შეძლონ ამ ომის საკუთარი პირობებით დასრულება, ამისთვის კი ევროპული მხარდაჭერა სჭირდებათ, – ამის შესახებ ევროკავშირის უმაღლესმა წარმომადგენელმა, კაია კალასმა განაცხადა.

კალასის თქმით, ევროკავშირის ლიდერთა დღევანდელ საგანგებო სამიტზე განიხილავენ ევროპის თავდაცვის გაძლიერების საკითხს და იმას, რისი გაკეთებაა შესაძლებელი უკრაინის კიდევ უფრო მხარდასაჭერად.

„ჩვენ საბჭოს მნიშვნელოვანი შეხვედრა გვაქვს დღეს. განვიხილავთ თავდაცვას, რისი გაკეთება შეგვიძლია საკუთარი თავდაცვის გასაძლიერებლად. როდესაც თავდაცვის დაფინანსებაზეა საუბარი, მაგიდაზე განსახილველად ყველა ვარიანტია წარმოდგენილი. გრანტებიდან და გაერთიანების ფონდიდან თანხების რელოკაციით, ფისკალური წესების ცვლილებამდე. მიმაჩნია, რომ ეს ძალიან მნიშვნელოვანია, რადგან ჩვენ ნამდვილად გვჭირდება თავდაცვის გაძლიერება. ასევე, რა თქმა უნდა, განვიხილავთ უკრაინის საკითხს, რა შეგვიძლია გავაკეთოთ უკრაინის კიდევ უფრო მხარდასაჭერად. ჩვენ წარმოდგენილი გვაქვს ინიციატივა და ვიმედოვნებ, რომ შევძლებთ ამაზე პოლიტიკური შეთანხმების მიღწევას, რადგან ძალიან გვჭირდება მათი გაძლიერება, რომ შეძლონ ამ ომის საკუთარი პირობებით დასრულება. ამისთვის კი ევროპული მხარდაჭერა სჭირდებათ. ჩვენ გვაქვს მისაღები პოლიტიკური გადაწყვეტილებები, მარტის საბჭოს სხდომამდე და ვიმედოვნებ, რომ ევროპა აჩვენებს ერთიანობას ამ საკმაოდ რთულ დროს“, – აღნიშნა კაია კალასმა.

ავტორი: ექსპრესნიუსი,

სოციალური ქსელები

რეჟიმის წარმომადგენელი კობახიძე კვლავ თვს ესხმის დიდ ბრიტანეთს და მის მოქმედ პრემიერს

სქროლვა-სქრინვის სამმართველო მოქალაქეს ივანიშვილის წყევლის გამო ან ჯარიმას დაუწესებს ან 20 დღე ციხეში გაუშვებს

რეჟიმის წარმომადგენელი კობახიძე სქროლვა-სქრინვის სამსახურს ოპტიმიზმით უყურებს

კობახიძე ევროსაბჭოს რეზოლუციაზე - აბსურდია ყველაფერი, რაზეც საუბარია რეზოლუციაში, საქართველო არის მოწინავე დემოკრატიის თვალსაზრისით