აშშ-ის პრეზიდენტი დონალდ ტრამპი კვლავ დაემუქრა ევროკავშირს სავაჭრო ტარიფებით. "ისინი ძალიან, ძალიან ცუდად გვექცეოდნენ. ამიტომ ისინი მზად უნდა იყვნენ ტარიფებისთვის. ეს არის სამართლიანობის მიღწევის ერთადერთი გზა", - თქვა ტრამპმა , თეთრ სახლში გამართულ პრესკონფერენციაზე.

რესპუბლიკელმა უკმაყოფილება გამოთქვა სავაჭრო დეფიციტის გამო და აღნიშნა, რომ ევროკავშირი უარს ამბობს ამერიკული მანქანებისა და სოფლის მეურნეობის პროდუქციის შეძენაზე. მანამდე ტრამპმა ასევე მოუწოდა ევროკავშირის ქვეყნებს გაზარდონ ნავთობისა და გაზის იმპორტი შეერთებული შტატებიდან.

პრეზიდენტობის პირველი ვადის განმავლობაში დონალდ ტრამპმა დააწესა დამატებითი ტარიფები ფოლადისა და ალუმინის იმპორტზე, რამაც გამოიწვია მწვავე სავაჭრო კონფლიქტი შეერთებულ შტატებსა და ევროკავშირს შორის. ამის საპასუხოდ, ევროკავშირმა დააწესა საკუთარი სპეციალური ტარიფები მთელ რიგ ამერიკულ საქონელზე, მათ შორის ვისკის, Harley-Davidson მოტოციკლებისა და Levi Strauss-ის ტანსაცმელზე.

დონალდ ტრამპმა ასევე განაცხადა, რომ მისი ადმინისტრაცია განიხილავს 1 თებერვლიდან ჩინეთიდან იმპორტზე 10 პროცენტიანი ტარიფების დაწესებას . მან მიზეზად დაასახელა სინთეზური ნარკოტიკული საშუალება ფენტანილის ჩინეთიდან მექსიკიდან და კანადის გავლით შეერთებულ შტატებში კონტრაბანდა, რომელიც ყოველწლიურად ათასობით ამერიკელ მოქალაქს კლავს.

ავტორი: ექსპრესნიუსი,

სოციალური ქსელები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია

ზელენსკი: ბელარუსის საზღვარზე აპარატურამ, რომელიც რუსულ დრონებს აკორექტირებდა, მუშაობა შეწყვიტა

დროა: პენიტენციურმა პირობა დაარღვია და ხოშტარიასთან მისი მკურნალი ექიმი არ შეუშვა

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო