ბაქოში საქართველოსა და აზერბაიჯანის პრემიერ-მინისტრების ხელმძღვანელობით გაიმართა ორი ქვეყნის ეკონომიკური თანამშრომლობის მთავრობათაშორისი კომისიის მე-10 სხდომა. სხდომა გახსნეს ირაკლი კობახიძემ და ალი ასადოვმა, რომელთაც საგარეო პოლიტიკურ დიალოგსა და სავაჭრო-ეკონომიკურ, სატრანსპორტო სფეროებში თანამშრომლობაზე იმსჯელეს.

ირაკლი კობახიძემ, შეხვედრის  დადებით მხარეზე გაამახვილა ყურადღება, მისი თქმით, სხდომა ხელს შეუწყობს ორ ქვეყანას შორის ურთიერთობების გაფართოებას.

„ჩვენ მტკიცედ მხარს ვუჭერთ ერთმანეთს სუვერენიტეტსა და ტერიტორიულ მთლიანობას. რეგიონში სტაბილურობა აუცილებელია მდგრადი განვითარებისთვის,“ – განაცხადა საქართველოს პრემიერმა.

კომისიის სხდომაზე აღინიშნა მნიშვნელოვანი რეგიონული პროექტები, როგორებიცაა ბაქო-თბილისი-ჯეიჰანის ნავთობსადენი, ბაქო-თბილისი-ერზრუმის გაზსადენი და შავი ზღვის წყალქვეშა კაბელი.

ამას გარდა, ორივე ქვეყნის პრემიერ-მინისტრებმა განიხილეს ენერგოუსაფრთხოებისა და სატრანსპორტო მარშრუტების წარმატებული ფუნქციონირება. ირაკლი კობახიძემ ყურადღება გაამახვილა სამხრეთ კავკასიის სამივე ქვეყნის ჩართულობაზე და რეგიონული თანამშრომლობის გაღრმავებაზე.

მხარეებმა ხელი მოაწერეს შეთანხმებებს, რომლებიც მოიცავს სხვადასხვა დარგობრივ უწყებებს შორის თანამშრომლობას, მათ შორის გარემოს დაცვისა და სოფლის მეურნეობის სამინისტროებს შორის, აგრეთვე საგარეო საქმეთა სამინისტროებს შორის საკონსულო საკითხებზე.

ავტორი: ექსპრესნიუსი,

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს