ჟურნალისტ ნიკა კაციას ადვოკატი ნინა ლომინაძე აცხადებს, რომ მისი დაცვის ქვეშ მყოფს პროკურატურა ნარკოტიკული საშუალების შეძენა-შენახვას ედავება.

როგორც უფლებადამცველი ამბობს, კაციას სამართალდამცავები სახლთან დახვდნენ, მანქანაში გადაისვეს და სხვა ტერიტორიაზე წაიყვანეს, რის შემდეგაც მოხდა მისი ჩხრეკა, თუმცა ჩხრეკის შედეგად არაფერი ამოუღიათ.

მისივე თქმით, უცნობია, ექსპერტიზაზე რა ნივთიერება გადააგზავნეს.

„ნიკას ედავება პროკურატურა ნარკოტიკული საშუალების შეძენა-შენახვაში. როგორც ჩემთვის გამომძიებლისგან, ასე ვთქვათ, პირადი საუბრისას მითხრა, პირადი ჩხრეკისას იქნა აღმოჩენილი, თუმცა თავად ნიკა უარყოფს აღნიშნულ ფაქტს. ნიკა სახლიდან მიდიოდა აქციაზე მეგობრებთან ერთად. ამ დროს, პოლიციის თანამშრომლები მივიდნენ მისი საცხოვრებელი სახლის სადარბაზოსთან, ტაქსი ჰქონდა გამოძახებული. შემდგომ შეუცვალეს მიმართულება, გადასვეს სხვა მანქანაში და უკვე გლდანულის მიმართულებით გადაიყვანეს და კონკრეტულად გლდანულის ლოკაციაზე მოხდა მისი პირადი ჩხრეკა... ამოღებული არ ყოფილა მისგან არაფერი, არანაირი მსგავსი ნივთიერება. ჩვენთვის უცნობია, რა ნივთიერებაა გადაგზავნილი ექსპერტიზაზე და რას ელოდება პროკურატურა“,- აცხადებს უფლებადამცველი ნინა ლომინაძე.

შეგახსენებთ, რომ ჟურნალისტი ნიკა კაცია 7 დეკემბერს დააკავეს. 

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია