თბილისში მიმდინარე საპროტესტო აქციის მონაწილეების მსვლელობა ვაჟა-ფშაველას გამზირზე დასრულდა.

მანამდე, აქციის მონაწილეები გმირთა მოედანზე გადაადგილდებოდნენ, რა დროსაც პოლიციამ აქციის რამდენიმე მონაწილე დააკავა.

მოქალაქეებმა თბილისის ქუჩებში მსვლელობა მას შემდეგ დაიწყეს, რაც რუსთაველის გამზირზე სპეცრაზმმა მომიტინგეები წყლის ჭავლის გამოყენებით დაშალა.

ამასთან ერთად, მანამდე საპოლიციო ძალები მომიტინგეების მიმართ ე.წ. წიწაკის სპრეისა და გაზის კაფსულებს იყენებდა, რის შედეგადაც რამდენიმე მოქალაქე დაშავდა.

აღსანიშნავია, რომ მანამდე, აქციის მონაწილეების მიმართულებით, რომლებიც საკანონმდებლო ორგანოსთან 3 დეკემბერს, 19:00 საათზე შეიკრიბნენ, პოლიცია წყლის ჭავლს ეტაპობრივად იყენებდა.

შეგახსენებთ, თბილისში, რუსთაველის გამზირზე საპროტესტო აქცია მე-6 დღეა მიმდინარეობს. პროტესტმა თბილისი და ქვეყნის არაერთი ქალაქი და მას შემდეგ დაიწყო, რაც 28 ნოემბერს პრემიერ-მინისტრმა, ირაკლი კობახიძემ გაახმოვანა „ქართული ოცნების“ გადაწყვეტილება, რომ ევროკავშირთან მოლაპარაკებების გახსნის საკითხი 2028 წლის ბოლომდე დღის წესრიგში არ დადგება.

ავტორი: ექსპრესნიუსი,

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა