იმედი გვაქვს ცენტრალური აფრიკის ხელისუფლება საშუალებას მოგვცემს ვესაუბროთ იმ ადამიანებს, ვინც ბრალდებებს უყენებს ჩვენს ჯარისკაცებს, - ამის შესახებ საქართველოს თავდაცვის მინისტრმა თინა ხიდაშელმა უშიშროების საბჭოს სხდომის დასრულების შემდეგ განაცხადა.

როგორც მინისტრმა აღნიშნა, მოკვლევის პირველი ფაზა უკვე დასრულდა და თავდაცის სამინისტრომ გააკეთა ყველაფერი, რაც შესაძლებელი იყო.

მისივე თქმით, ქართულმა მხარემ ბრიუსელში ევროპის სარდლობასთან და ფრანგულ მხარესთან შეხვედრები გამართა.

„ჩვენ დავასრულეთ მოკვლევის ფაზა, ის რაც თავდაცვის სამინისტროს შეეძლო დღევანდელი მდგომარეობით გაეკეთებინა. ჩვენ აბსოლუტურად ყველაფერი გავიარეთ. მოგეხსენებათ, რომ მე ვიყავი ბრიუსელში, სადაც შევხვდით ევროპისა და კერძოდ საფრანგეთის სარდლობასაც, რომელიც პასუხისმგებელია აღნიშნულ საკითხზე. მივიღეთ სრული წვდომა ყველა საჭირო მასალასთან, რომელიც ბრიუსელშია დაცული. პრაქტიკულად მოკვლევის ყველა ეტაპი დასრულებულია. ჯგუფი შედგენილია და მიმდინარეობს ცენტრალურ აფრიკაში გამგზავრების მზადება. ჯგუფი შედგება სამხედრო პოლიციელებისგან, ასევე პროკურორებისგან და დამოუკიდებელი ექსპერტებისგან. ჩემთვის სურათი ნათელია. ჩვენ დაველოდებით მათ დაბრუნებას საქართველოში. იმედი გვაქვს ცენტრალური აფრიკის ხელისუფლება საშუალებას მოგვცემს ვესაუბროთ იმ ადამიანებს, ვინც ბრალდებებს უყენებს ჩვენს ჯარისკაცებს, ჩვენ არ ვიცით ამის საშუალება მოგვეცემა თუ არა, თუმცა ჩვენ უკვე ვაჩვენეთ, რომ მზად ვართ ყველაფერი გავაკეთოთ და ყველა რესურსი გამოვიყენოთ რათა სიმართლე დადგინდეს,"- განაცხადა ხიდაშელმა“, - განაცხადა თინა ხიდაშელმა.

ცნობისთვის, 30 აპრილს გავრცელდა ინფორმაცია, რომლის თანახმადაც  ცენტრალურ აფრიკაში სამშივდობო მისიებში მონაწილე ფრანგ და ქართველ სამხედროებს ბავშვებზე სექსუალურ ძალადობაში იღემდნენ მონაწილეობას.
საუბარი იყო 2013 წლის დეკემბრიდან 2014 ივნისამდე პერიოდზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს