კონკრეტული არასამთავრობო ორგანიზაციები ქვეყანაში შემოსული შავი ფულის გამტარები არიან, რითაც პოლიტიკური პარტიები ფინანსდება,- ასე ეხმაურება თბილისის მერი კახა კალაძე “ანტიკორუფციული ბიუროს“ გადაწყვეტილებას, რომლის მიხედვითაც “აირჩიე ევროპას“ და “საერთაშორისო გამჭვირვალობა საქართველოს“, როგორც “გაცხადებულ საარჩევნო მიზნის მქონე სუბიექტებს“, ფინანსური ანგარიშების წარმოდგენა დაევალათ.

კალაძის თქმით, თუ აღნიშნული ორგანიზაციები მოთხოვნილ ინფორმაციას არ წარმოადგენენ, სახელმწიფო მათ მიმართ კანონის ფარგლებში იმოქმედებს.

“რა რეპრესიებზეა საუბარი, როდესაც გამჭვირვალობას ვითხოვთ. უბრალოდ, ისინი გამტარები არიან ქვეყანაში შემოსული შავი ფულის, რითაც პოლიტიკური პარტიები ფინანსდებიან. რა თქმა უნდა, გამჭვირვალობა ძალიან მნიშვნელოვანია. საზოგადოებას ხელი უნდა მიუწვდებოდეს ყველა სახის ინფორმაციაზე - საიდან შემოდის თანხები, ვინ აფინანსებს კონკრეტულ არასამთავრობო ორგანიზაციებს და რაში იხარჯება ეს ფული. არ ვიცი, ისინი გამოაქვეყნებენ თუ არა მოთხოვნილ ინფორმაციას. ვინც კანონს დაარღვევს, მათ მიმართ სახელმწიფო უფლებამოსილების ფარგლებში იმოქმედებს“,- განაცხადა კალაძემ.

ავტორი: NS (სტატია დაფინანსებულია),

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა